Disko Line pisortaminik taarsiisoq

Angalatitsivimmi Disko Linemi pisortaq qaammatip uuma aallartinnerani taarserneqarpoq. Pisortaasimasoq suliffeqarfimmi ingerlaannassaaq.
 
Finn Hansen Disko Line A/S-imi pisortatut maajip aallaqqaataani atorfinippoq. 

Frederik Sandgreen Diskolinemi direktøritut atorfimminit tunuarpoq, taamaattorli suliffeqarfiup aqutsisuini ingerlaannassasoq, angalatitsivik sisamanngornermi nalunaaruteqarpoq.

Finn Hansen inatsisilerituutut umiarsuullu naalagaatut ilinniagaqartuuvoq. 

Finn Hansen Danmarkimi suliffeqarfiup Bunker Holding A/S-ip inatsisilerinermut immikkoortortaqarfiani sulereerluni Disko Linemi pisortanngussaaq taannalu imarsiornermik misilittagaqarpoq.

AAMMA ATUARUK Disko Line lover bod og bedring

Finn Hansen  nunat tamalaani akornanni umiarsuarni aquttuusarsimavoq aamma Danmarkip imartaani ikaartaatini sulisimavoq, taamaammat imaani sillimaniarneq  ilisimalluarpai 

- Disko Linemi allaffeqarfimmi aaqqissuussinermut tunngatillugu allannguineq Disko Linemi nunatsinni inunnik angallassinernut tunngatillugu suliassat unammillernartullu ingerlaavartut tunngavigalugit aallartisarneqarsimavoq. Naatsorsuutigaarpullu allannguutit piffissaq aallarnisaaffiusoq ingerlareeriarpat atuisutsinnut, suleqatitsinnut kiisalu Kalaallit Nunaanni takornariaqarnermut ineriartortitsilluarnerup tungaatigut pitsaasumik malunniutaajumaartoq, Jørgen Nielsen oqarpoq

AAMMA ATUARUK Uenighed om kritik af Disko Line

- Suliffimmi suliassat naammassineqarlutik suliarineqarsimapput. Suliffeqarfiulli allivallaarneratigut suliassat suliarisartagarisimasai inummit ataasiinnarmik kisimi suliarineqarsinnaajunnaarsimapput, pisortaq, Finn Hansen oqarpoq.