Folketingip eqqartuussiveqarnermut ataatsimiititaliaani siulittaasup, Peter Skaarupip (DF), Moderniseringsstyrelsip CO10-llu isumaqatigiinniarnerisa sivitsortoorutigineqarnerat pillugu nassuiaasoqarnissaa kissaatigaaAssi: Helle Nørrelund / KNR

DF: Isumaqatigiinniarnerit paamaarunneqartut naalakkersuisut nassuiaatigissavaat

Folketingip eqqartuussiveqarnermut ataatsimiititaliaani siulittaasup Peter Skaarupip (DF), naalagaaffiup Nunatsinnilu tjenestemanditut atorfillit akornanni akissaatit pillugit isumaqatigiinniarnerit sivitsortoorutigineqarnerat pillugu danskit naalakkersuisuisa nassuiaateqarnisaaat piumasariniarpaa.

KNR-imut taama oqarpoq.

- Folketingimi inissisimaffitsinnit ministerimut apeqqutigisinnaavarput suliaq sumut killinnersoq? Aamma sooq taama sivisutigisimava? Aamma sukkatsisarneqarnissaa qanoq anguniarneqarpa?

Moderniseringsstyrelsip naalagaaffik sinnerlugu isumaqatigiinniartuusup, Centralorganisationen af 2010-llu, CO10, isumaqatigiinniarnerat 2015-imi naammaasineqareertussaagaluarpoq. 

Illuatungeriilli nutaamik isumaqatigiissusiornissaq maannamut angusinnaasimanngilaat.

Tamannalu isornartoqartoq, Peter Skaarup isumaqarpoq. Naalagaaffimmi taamaalilluni sulisuminik annaasaqaratarsinnaammat.

- Ukiorpassuarni paamaarussisoqarneratigut sulisut qanoq pisoqarnera toqqissimanngissutigilersinnaavaat, nalorninartoqarneralu pissutigalugu imaassinnaavoq ilaat suliffimminnit soraartut allamillu suliffissarsiorlutik, Peter Skaarup taama oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat