Demokraatit Storm assoralisippaat
Demokraatit aarleqqutigaat tuttut pisarineqarartut ikilissasut tallimannik tuttussagaanni 1.000 koruuninik akiliisoqartalissappat.
Inuit Ataqatigiit sinnerlugit Inatsisartuni ilaasortaq Storm Ludvigsen paragraf 37 naapertorlugu apeqquteqummini siunnersuummi Naalakkersuisunit akineqarnissaa ujartorpaa.
Naalakkersuisulli suli akerianngitsut partii naalakkersuisooqatigisaat akissumminik saqqummiussivoq. Akissuteqartoq tassaavoq Demokraatit sinnerlugit Inatsisartuni ilaasortaq Anda Uldum isumaqartoq siunnersuutip kulturikkut kinguariarneq nassatariinnarumaaraa.
- Atuisut akiliinerusalernissaata soorlu aavarnissamut, kingunerissavaa ikittuinnaat aavarnissaminnut akissaqalernissaat. Tamatuma kinguneranik innuttaasut isertitaqqortuut kisimik aavarnissaminnut akissaqalissapput, Anda Uldum Storm Ludvigsenip siunnersuutaanut akissuteqarpoq.
- Alianartupilussuusussaavoq ilaqutariippassuit aningaasarliornertik pissutigalugu aavassaassappata. Inuiaqatigiittut tamanna nammassinnaanngilarput, Anda Uldum oqarpoq.
