Demokraatit: Nunatsinni ilinniassagaanni allamiut oqaasii pisariaqartinneqarput
![René Boye Caspersen, Inatsisartutkandidat for Demokraterne.](/sites/default/files/styles/image_934x467/public/article_images/rene_ude_2.jpg?itok=bukSl__c)
Nunatsinni oqaatsit atorneqartut pillugit annerusumik qineqqusaarnermi oqallittoqanngilaq, Partii Nalerarli Demokraatillu maanna tamanna pillugu saqqummiussaqarput.
Qallunaatut atuartitsineq atorunnaarsikkiartuaartinneqarluni tuluttut annerusumik atuartitsisoqarnerusalertoqartariaqartoq, Per Rosing Petersenip Partii Naleraq sinnerlugu qinigassanngortittup, Atugagdliutinut sapaatip-akunnerata siuliani saqqummersumi ilaatigut oqaatigaa, Inatsisartullu oqaluttarfiannit qallunaatut oqaluttoqarani kalaallisuinnaq oqaluttoqassasoq Partii Naleqqap oqariartuutigaa. René Boye Caspersenilu tassunga qisuaariteqarluni tusagassiuutinut nalunaarummik allappoq.
- Namminersorneq pillugu inatsimmi, tassa innuttaasut amerlanersaasa akuerisaanni, pisortatigoortumik oqaatsit tassaasut kalaallisut oqaatsit aalajangersagaavoq. Ajoraluartumik tamatuma piviusunngortinneqarnissaanut tutsuiginarpallaarsimanngilagut, Per Rosing-Petersen Atuagagdliutinut ilaatigut oqarpoq.
- Qallunaatut ilinniartitsineq ajornerulersikkutsigu meerartatta ilinniarnissaat innarlissavarput. Kisianni siunissami atorfissaqartinnerpaasassavut tassaapput inuusuttut ilinniarluarsimasut, René Boye Caspersenip oqaatigaa, ilinniarnertuunngorniaraannilu qallunaatut oqalussinnaanissap piumasaqaataanera, taamaaliornikkut ilinniartitaanermi ingerlariaqittoqarsinnaanera eqqaasitsissutigalugu.