Demokraatit: Naalakkersuisut piviusoq qimarratigaat
Naalakkersuisut nunamik aqutsisinnaanngillat, aningaasaqarniarnikkullu ajornartorsiornerput ilumoorunnagu, Demokraatini politikkikkut siulittaasup tullia, Randi Vestergaard Evaldsen, tusagassiorfinnut taama allappoq.
Randi Vestergaard Evaldsen, politisk næstformand, Demokraatit.
Allattoq Sandra Meinecke
septembarip 26-at 2014 05:03
Nutserisoq Erna Lynge
Naalakkersuisut isornartorsiorpai, oqarluni isitik matugaat takorloorlugulu Kalaallit Nunaat namminersulivissimasoq, naak ullumikkorpiaq tamanna takorlooruminaalluinnaraluartoq.
Namminersulivinneq piumagutsigu periarfissaavoq, Randi Vestergaard Evaldsen allappoq, siullermilli aningaasaqarnikkut namminiileqqaassaagut, Naalakkersuisulli aningaasatigut aqutsilluanngippata, piffissarli ungaseqaaq.
Isertorneqarsinnaanngilaq nunaqarfiit mikisut aningaasarsiornitsinnut annertuumik nanertuutaammata, namminersorlutik suliffiutillit pitsaanerusumik periarfissinneqartariaqarput, minnerunngitsumillu aningaasaliissutit tamarmik pisortaneertariaqanngitsut Randi Vestergaard Evaldsen allappoq.
