Demokraatit kinguariaraluarlutik suli isumalluarput

Naak kisitsisaagallartut malillugit nunarput tamakkerlugu kinguariaraluarlutik, Demokraatit siulittaasut Jens B. Frederiksen isumalluarpoq:

- Kisitsisit inaarutaasut utaqqimaaqqaalaarallartigit, illoqarfinnimi anginerusuni, minnerunngitsumillu Nuummi, taaguunneqarnerpaasarpugut. Unnuup qanoq ingerlanissaa eqqissilluta utaqqissavarput, Jens B. Frederiksen knr.gl-imut oqarpoq.

Sara Olsvigip Inuit Ataqatigiinneersup kisitsisit tatiginarnerusut takoqqaartinnagit aamma oqaaseqaqqikkusunngikkallarpoq:

- taasinerit tallimararterutaat kingulliit utaqqimaaqqaalaartariaqarsoraakka, taava takussavarput qanoq isikkoqassanersoq. Qanittuararsuarmilli inerneqartussatut isikkoqarpoq, Sara Olsvig IA-meersoq oqarpoq.

Ukiuni sisamani Naalakkersuisuutitaqareerlusi maanna qinersisartunit naliliiffigineqarpusi. Oqariartuutisi innuttaasunut apuunniarnissaat ajornakusoortissimavisiuk?

- Naamerluinnaq. Aningaasaqarnerput patajaallisissimavarput, tamannalu pingaarnerit ilagilluinnarpaat. Ukiuni aggersuni atugarissaarnissatsinnut akissaqartariaqavikkatta, aamma kikkut naalakkersuisunngornissaat apeqqutaatinnagu tamatuma ingerlaqqinnissaa soorunami neriuutigaara. Meerartatta akeqanngitsumik atuartitaanissaat, pitsaasumik atuartitaanissaat, peqqinnissaqarfeqarnissarput allallu uatsinnut pingaaruteqarnerpaapput, Sara Olsvig oqarpoq.

Partiit naalakkersuisuutitaqartut pingajuat, Kattusseqatigiit Partiiat, ilaasortaatitatuartik annaasussanngorpaat Inatsisartuniititaqarunnaartussanngorlutillu. Partiillu siulittaasua pakatsisimaqisoq knr.gl-imit oqaloqatigaarput:

- Kinguariarsimanerput nassuerutigisariaqarparput, tamannalu soorunami tupaallannanngitsuunngilaq. Qeqertarsuulli tunuani kisitsisit amerlanersaat suli amigaatigaagut, tassanilu taaguunneqarluartaratta isumalluarpugut, Kattusseqatigiit Partiiata siulittaasua Anthon Frederiksen oqarpoq.

Naalakkersuisunut ilaasortaalernermi partiip oqariartuutaasa apuunniarnissaannut sunniuteqarsimanasoraa:

- Naalakkersuisunut ilaasortanngorama partii sinnerlugu oqaaseqarnissannut periarfissakka killeqalerput, tamannalu partiip kinguariaateqarneranut sunniuteqarsimanissaa ilimagaara, Anthon Frederiksen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat