Dekoder-it tunisaallualerput
TV-kkut isiginnaarutip analogiujunnaarluni digitaliseererneqarnissaa, aasaq tusarliunneqarmalli avannaamiut pisiortornissaminnut tunuarsimaarsimanngillat, tassami dekoderinik, faldskærminillu pisiortuunnerit imaaginnavissimapput.
- Tusagassiutitigut aasaq tusarliunneqarmat, dekoderinik, fladskærminik anteninillu digitaliusunik pisiortuunnerit annertusipput, TukúmeK Egede Ilulissat Radio og TV-mi iluarsaasartoq oqarpoq.
Ilanngullugulu oqaatigaa Upernavik nunaqarfiilu qulit, aasarli siusinaarlutik digitalimik tigooraassummik, imaluunniit fladskærminik pisiortuutereersimasut. Upernavik eqqaalu eqqarsaatigalugit tassaaginnaarsimanngillatt kisiartaallutik qulakkinneereersimasut.
- Avannaa tamakkerlugu siusinaangaatsiarluni digitaliusumik TV-kkut isiginnaarsinnaanissaminut qulakkinneereersimavoq, soorunamilu ataasiakkaaqalaartussaavoq suli pisisimanngitsunik,TukúmeK Egede oqarpoq.
Nuummiit assigusumik aamma oqaluttuarput. Grønlands Radio Centerimiit avannaanut dekoderinik amerlangaatsiartunik nassiussisimapput. Tassani maluginiagassat ilaattut Upernavik kiisalu nunaqarfii quliusut nassinneqartunut ilaasimallutik. Pisisartut amerlasuut pakatsisittariaqarsimagitik eqqaavaat, peqqumaasivimminni nunguutsisimagamik.
