Decembarip aallaqqaataanit internetti sukkanerusoq

Nioqqut nutaaq Internet Annermik ateqarpoq, tassungalu ilaapput 50 GB data internetikkullu aallernermi, downloaderinermi, sukkassuseq 4 megabit sekundimut.

TELE-POST-imi innuttaasunut immikkoortortamut qullersap Per Svendsenip nioqqutissat nutaap piumaneqarluartup sumiiffinni nutaani nioqqutaalernera nuannaarutigaa.

- Sisimiuni, Ilulissani, Aasianni aamma Paamiuni Internet Anneq nioqqutigereerparput, sulilu amerlanerit sukkanerusumik pitsaanerusumillu internetersinnaalernerat assut nuannaarutigaarput, Per Svendsen oqarpoq.

Nuummi Qaqortumilu atuisut Internet Anneq aamma atuisinnaalissapput. Illoqarfinni taakkunani, imaatigut kabelilimmi, nioqqummut ilaapput 60 GB data internitikkullu aallernermi 10 megabit sekundimut sukkassuseralugu.

- Nioqqut sumiiffinni imaatigut kabeleqarfiusuni aammalu sakkortusaaveqarfiusuni assigiinngissuseqarpoq. Sumiiffinni marlunni taakkunani nioqqutit assigiit  nioqqutigerusunnaraluarput, tamannali ajornarpoq. Imaatigut kabelikkut nioqqutigineraniit sakkortusaavikkoortinnera akisunerunera pissutaavoq, Per Svendsen nassuiaavoq.

Decebarimi akeqanngitsumik annertusaasoqarsinnaavoq

TELE-POST-ip internetimik nioqqutaanni annerpaaq Nuummi Qaqortumilu saqqummerpoq. Flatrate Angisooq 200 GB-imik imalik internetikkullu aallernermi 10 megabit sekundimut sukkassusilik.

Decembari naallugu atuisut internetertik akeqanngitsumik allanngortissinnaavaat, TELE-POST paasissutissiivoq.