Danskit sorsuutaat Det Røde Havimi umiarsuarnik illersuiartussasoq
Danskit Danmarkimit ungsissumi suliamut peqataalersinneqarput.
Danskit sorsuutaat Det Røde Havimut aallartinneqassaaq. Danmarkimit inuttat maanna suliassaat imaani piiaasunik akiuinermut siusinnerusukkut suliarisarsimasaannit ulorianarnerusorineqarpoq.
Sorsuummiittut Yemenip imartaanik nakkutilliissapput, pisariaqassappallu umiarsuarnik illersuissallutik. Ilaatigut houthikkunnit saassussinernik pinngitoortitsiniarnissaq suliassaraat.
Sorsuut aallartinneqartussaq Iver Huitfeldtiuvoq, taannalu Suezimi ikerasalimmut ataasinngornermi aallartinneqassaaq, danskillu naalakkersuisuisa siunnersuutaat Folketingimi naatsorsuutigineqartutut februarip ulluisa arfernganni akuersissutigineqareerpat, Det Røde Havimut aallartinneqassalluni.
Sorsuut Danmarkimit ungasissumi atorneqartareerpoq. Assersuutigalugu imaani piiaasunik Afrikas Hornimi akiuiniarnermut.
Usisaatit houthikkunnit rakettinit sorsuut atorlugu illersorneqarnissaat maanna suliassamut atatillugu siusinnerusukkut nalunaarutigineqarpoq.
