Danskit qaammataasiaat Issittumi nakkutilliisussaq aallartinneqartoq

Illersornissamut qullersaqarfimmeersoq Charlotte Havsteen, nutaarsiassaqartitsivik Ritzau naapertorlugu taama paasissutissiivoq.

- Qaammataasiap aallartinneqarsimaneranik maannalu ingerlaarneranik paasitinneqarput. Akunnerit sisamat qaangiuppata Aalborg qulaatissavaa, tassaniipporlu antennerput, taannalu atorlugu ikumanersoq takusinnaassavarput.

AAMMA ATUARUK Sulisut nutaat Issittumi nakkutiginninnerulersitsissasut

Qaammataasiap taaguutigaa Ulloriaq. Illersornissamut ministeqarfimmit pisiarineqarpoq pigineqarlunilu. Illersornissamut qullersaqarfiup Issittumi nakkutilliinermut atussavaa.

Danmarks Tekniske Universitet (DTU) aamma GomSpace Aalborgimiittoq qaammataasiamik ineriartortitsisuupput.

Qaammataasiaq mikisunnguuvoq, kiilunik 8-nik oqimaassuseqarluni, mikigaaramilu nammattakkamiitinneqarsinnaavoq, Charlotte Wiin Havsteen Videnskab.dk-mut taama oqaluttuarpoq.

AAMMA ATUARUK Siunissami silap pissusissaa sermersuup nakkutigineqarneranit siulittorneqartoq

Radiukkut tigooraassuteqarpoq umiarsuit timmisartullu sumiiffiinik nalunaarsuisinnaalluni. Aamma assiliissutitaqarpoq sila allaaqqitsillugu Issittup assiliortornissaanut atorneqarsinnaasumik.
Qaammataasiaq kinamiut raketsiat Long March 2D atorlugu Mongoliami Gobip inoqajuitsuanit aallartinneqarpoq.