Danskit politiivisa qimaasut ingerlaannarnissaat akuerigaat

Danskit naalakkersuisui akuersiteqqaarnagit danskit politiivi unnuaq aalajangerpit qimaasut 400-t missaanniittut killeqanngitsumik ingerlaqqissinnaasut.

Danmarkimi politiit, nunatsinni nalunaaqutarput malillugu, unnuaq aalajangerput qimaasut honnorujut arlallit Danmarkip kujasinnerusortaani Rødbymi Padborgimilu timersortarfissuarni uninngatinneqartut killeqanngitsumik ingerlaqqissinnaasut.

Danmarkimi nutaarsiassaqartitsiviit arlallit taama ilisimatitsipput.

Qimaasorpassuit ulluni kingullerni qimuttuitsorlutik Tysklandimit tikipput Danmarkimilu inussamik ipaasaat tunngavigalugit nalunaarsorneqarnissartik akueriumanagu. Ilarpassui Sverigemut ingerlaqqikkusupput, Sverigemut qimaasutut isernissamik qinnuteqarnissartik kissaatigalugu.

Qimaasut killeqanngitsumik ingerlaqqissinnaanerannik akuersissuteqarneq danskit naalakkersuisuinit tunniunneqarsimasutut isikkoqanngilaq. Politiillu kattuffianni siulittaasup Claus Oxfeldtip danskit politikerii isornartorsiorpai qanoq-iliuuseqannginnerarlugit.

 

Naalakkersuisut sakkortuumik isornartorsiorpai

- Ingerlasussanik piareersaaneq aqutsinerlu annertooq matumani pineqarpoq, taamatullu ingerlasoqaannassappat qanoq iliussaagut? Taava inuit piumanngitsut nakuuserfigisariaqalissavagut? Pissutsit ajorluinnarput, Oxfeldt nutaarsiassaqartitsivimmut Ritzaumut taama oqarpoq.

- Matumani immikkut illuinnartumik pisoqarnerani qanoq iliortoqarnissaanik politikerinit oqaluttuunneqanngilagut, Claus Oxfeldt oqarpoq.

Ministeriunerup Lars Løkke Rasmussenip partiit siuttui tamaasa pisut pillugit Danmarkimi nalunaaqutaq malillugu nalunaaqutaq qulinut Christiansborgimi ataatsimiinnissamut aggersarpai.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat