TAKSØEP NALUNAARUSIAA Issittumi kajumissutsimik upajungaarsimasoqarnissaq danskinit taperserneqarpoq
Ministeriuneq Lars Løkke Rasmussen (V) akunnermi apeqqarissaarfimmi folketingimut ilaasortaatitat peqataaffigisaanni marlunngormat oqarpoq.
- Suliassat nukkassarnissaasa pisariaqartinneqarnerat qularnanngilaq. Soorlu uagut Danmarkimi ileqqorigipput kajumissuserput atorlugu upalungaarsimasussanik piareersimatitsinissarput, taaamaammallu isumaqarpunga, Kalaallit Nunaanni misilittaatitut aallarniuteqarsinnaasugut, Lars Løkke Rasmussen oqarpoq.
Folketingimi aasanerani sulinngiffeqalinnginnermi, danskit naalakkersuisui illersornissaqarfimmut isumaqatigiinninniutissanik siunnersuutissanik piareersissapput.
Aamma atuaruk Politikki ataatsimoorussaq pillugu oqaloqatigiinneq ammasoq
Aamma atuaruk Nunatta qaammataasiakkut nakkutiginera 1-2 milliardinik akeqassaaq
Issittumi siunnersuisoqatigiit pillugit siunnersuut itigartippaa
Lars Løkke Rasmussenilli Taksøep nalunaarusiaani kajumissaarutigineqartoq aalajanngersimasoq itigartippaa, tassa issittumi siunnersuisoqatiit allilerlugit, isumannaatsuunissamut tunngasunik politikkikkut sulianik oqalliffiusartussamik pilersitsinissaq.
Kajumissaarutigineqartoq taanna Inuit Ataqatigiit tapersigaat. Kisialli, ministeriuneq oqarpoq:
- Isumaqarpugut, sillimanissamut politikkikkut oqallinneq issittup soqutigisai pillugit issittumi suleqatigiinneq naalagaaffiit akornanni aaqqitassaasoq, Lars Løkke Rasmussen oqarpoq.
Aamma atuaruk Issittumut tunngasut uani atuakkit
- Taakkulu issittumi siunnersuisoqatigiit ineriartortinneqartut ilisimatusarnerup iluaniikkami sulilu amerliartortunik ilaatitaqariartorlutik, Korea kujalleq, EU ilaalu ilanngullugit. Taamaattumik danskit naalakkersuisuisa aalajangiusimavaat oqaluuserineqartoq una malersorniarnagu.
Illersornissaqarfiup Issittumi maannakkut siunissamilu suliassaanik nassuiaateqartussaq, misissueqqissaarneq sivisuumik utaqqisaasimasoq maajip ingerlanerani saqqummissaaq.
Aamma atuaruk Illersornissaqarfiup Issittumi suliniutai nukittorsarneqarlik
