Danmarkimi ikiorsiissutinik qummut killiliineq kalaallinut ilaqutariinnut eqquisinnaasoq

Pisortanik aningaasatigut ikiorsiissutit amerlassusaasa qummut killilernissaat, folketingemi amerlanerussuteqartut sapaatip akunnerani uani akueraat.

Amerlanerusut suliffeqaleqqullugit taamaaliorlutik, Danmarkimi naalakkersuisut oqarput. 
Aninngaasat ikiorsiissutit tunngaviusut allanngortinneqassanngillat, assersuutigaluguli ineqarnermut meeqqanullu tapiliuttakkanik allannguinissaq pineqarluni.

Aamma atuaruk Ellemannip kalaallinut immikkut suliniutit aqqutissaasorinngilai

Aamma atuaruk Siulittaasoq: Atornerlugaasimanerminnik kingunerlutsitsisut danskinit

Tamanna ilaqutariinnut kalaaliusunut aningaasatigut ikiorsiivigineqartartunut immikkut kinguneqassaaq.
Agguaqatigiissillugumi angajoqqaat kalaallit kisimiittut danskinit kisimiillutik pilersuisunit  meeraqarnerupput. Malittarisassallu nutaat naapertorlugit angajoqqaat kisimiittut annerpaamik 15.300 koruuninik ikiorsiivigineqartalissammata, kalaallit angajoqqaat kisimiittut arlallit eqqugaassapput. Aarhusimi kalaallit illuanni isumaginninnermut immikkoortortaqarfik taama nalunaaruteqarpoq.

Malittarisassallu nutaat peqqutigalugit kalaallit ilaqutariit arlallit ineqarnermut tupiissutissiarisartagaannit ikilileriffigineqarnissaat aarlerinartoqartoq, Aalborgip kommuniani kalaallit saaffiginnittarfianni isumaqarput.
Malittarisassalli nutaat oktoberip aallaqqaataani atuutilerpata allannguutit malunniutissasut, Aalborgimi kalaallit saaffiginnittarfiannit nalunaarutigineqarpoq