Aningaasanut inatsisaat: Nunatsinnit ilaasortanit taaseqataaffigineqarani akuerineqartoq

Folketingimili Savalimmiuniit Kalaallillu Nunaanniillu ilaasortat sisamat taaseqataanngillat.

Taakkunannga Inuit Ataqatigiinniit Aaja Chemnitz Larsen aningaasanut inatsisissamut oqallinnermi peqataasutuaavoq, Kalaallillu Nunaannut iluaqutissat naammaginarsorinnginnamigit taaseqataanngilaq.

- Inatsisip inernerata akunnappallaarnera pissutigalugu taaseqataanngilagut. Aappaagumut isumaqatigiinninniarnerit pitsanngornissaat sulissutigissavarput, tamannalu pissappat Naalagaaffiup suleqataanissaa pisariaqarpoq, Aaja Chemnitz Larsen oqaaseqaatimini naqissusiivoq.

AAMMA ATUARUK Dansk finanslov er en blandet fornøjelse

Danskit 2018-mut aningaasanut inatsisaanni nunatsinni eqqartuussiveqarfimmut 40 mio.koruuninik, pinerluuteqarsimasunut inissiisarfiini sulisut ilinniarteqqinneqarnissaannut 1,2 mio. koruuninik aningaasaliisoqarpoq.

Attaviitsoq Aleqa Hammond aamma Savalimmiuniit ilaasortat Magni Arge Sjurdur Skaale-lu juullisioriarlutik aallarsimagamik aningaasanut inatsisissamut oqallinnermi peqataanngillat.

AAMMA ATUARUK Halv million sat af til at undersøge viden om Grønland

AAMMA ATUARUK Pinerluttunik isumaginnittoqarfik pillugu isumaqatigiissummi nunarput ilaatinneqanngilaq