Ilinniarneq: Piareersimaffigisassat arlaqartut

Ilinniakkanut ingerlaqqiffiusunut imaluunniit ilinniakkanut piareersaataasutut ilinniarfiusunut qinnuteqarnissamut sisamanngorneq marsip aallaqqaataa killigitinneqarpoq.

Qaqortumi Tunngaviusumik Niuernermik Ilinniarfimmi TNI-mi nutaanik aasap kingorna aamma ilinniartoqalissaaq.

AAMMA ATUARUK Tuluit oqaasii takornartat oqaasiini sallersanngornissaannut piareersimanngilagut

- Tupaallaatigisarpaat amerlanerpaatigut qanoq qallunaatut pisinnaasat pingaaruteqartiginersut. Pissutigalugu TNI-mi atuakkat qallunaatuujugamik, ilinniartitsisoq Elise Kielsen oqarpoq.

Tassa ilinniartoq angusaqarluassaguni ilinniarnerminilu katataassanngikkuni qallunaat oqaasii pikkoriffigisariaqarai, ilinniartitsisoq erseqqissaavoq.

- Soorunami ilinniartitsisut kalaallisut oqaasillit arlaqarput. Kisianni tamatigut taamaanneq ajorami, pisariaqartarami aamma ilinniartitsisunit qallunaanit fagit ilaat ingerlanneqartaramik.

AAMMA ATUARUK Tuluit oqaasiisa piorsarsimassuserput sunnissavaat

Illoqarfimmut allamut ilinniariartornissaq piareersimaffigineqarnerusariaqartoq, ilinniartitsisoq aamma isumaqarpoq.

- Illoqarfimmut nutaamut tikittarput. Taavalu aamma illoqarfimmi nutaami pissutsit ilinniartassavaat. Taakkua aamma pingaaruteqarput sammissallugit. 

Ilinniarnerli angusaqarfiulluassappat pingaaruteqarluinnartut ilaat aamma tassaavoq:

- Atuaqatitik ilikkapallannissaat pisariaqartarpoq, kiserliunnginnissaat anguniarlugu. Piareersimaffigissavaat atuaqatiminut akuliunnissartik, tunngaviusumik Niuernermik Ilinniarfimmi TNI-mi ilinniartitsitsisoq Elise Kielsen Jørgen Semionsenimut oqarpoq.