Assi: Inuit Ataqatigiit/Gabanguak Bidstrup

Inuit Ataqatigiit: Danmarkip piumasaqaatiginiagai suuppat?

Naalagaaffiup mittarfiliortiternernut aningaasaleeqataaniarnera pillugu isumaqatigiissut ataasinngornermi atsioqatigiissutigineqartoq tapersersussanerlugu, Inuit Ataqatigiit suli nalunaarutigiumanngilaat.

Isumaqatigiissutigineqartoq pillugu paasissutissat sukumiinerusut pissarsiarineqaqqaartariaqartut, partiip siulittaasuata oqaatigaa:

- Isumaqatigiissutitut taaneqartoq atuareersimallugu uagutsinnut erseqqippoq una isumaqatigiissutiviunani tassaanerusoq siunnerfeqaqatigiinnermik atsioqatigiinneq. Aamma oqaatigisariaqarpoq isumaqatigiissutitut naammassineqarsimanngitsutut nalilerparput, Inuit Ataqatigiit siulittaasuat Sara Olsvig taama oqarpoq.

Namminersorlutik Oqartussat Naalagaaffiullu akornanni isumaqatigiissutip Inatsisartuni akuersissutigineqaqqaarnissaa, Naalakkersuisut siulittaasuata Kim Kielsenip erseqqissaatigaa.

Inuit Ataqatigiit isumaqatigiissummik akuersissappat piumasaqaatit assigiinngitsut naammassineqarsimasariaqartut, Sara Olsvigip erseqqissaatigaa.

Naalagaaffiup Kalaallit Airportsimi pingaarnertut piginnittussaasinnaannginnera qulakkeerneqareermat piumasaqaat siulleq eqquutsinneqareerpoq.

Isumaqatigiissummili piumasaqaatit nammineq isumaqatigiinniarnikkut angusarisinnaasanit pitsaanerusariaqartut, Inuit Ataqatigiit isumaqarput.

Taavalu aamma naalagaaffik mittarfiutileqatigiiffimmi immikkoorluni naaggaarsinnaatitaassanngilaq.

AAMMA ATUARUK  Koalitionspartnere støtter dansk håndsrækning

Danmarkilli mittarfinnik piginneqataalerluni 700 millionit koruuninik aningaasaleeqataaniarnera, tamatumalu saniatigut katillugit 900 millionit koruuninik erniakitsunik taarsigassarsiiniarnera Inuit Ataqatigiit nuannaarutigaat. Kisianni:

- Siunnerfeqaqatigiinnermik atsioqatigiissimagaluarluni atugassarititaasut piumasaqaataasuusussallu nunatsinniit, illuatungaanilu Danmarkip piumasaqaatiginiagai itinerusumik ataasinnguamilluunniit inississorneqarsimanngillat, Sara Olsvig taama oqarpoq.

- Tamanna pingaaruteqartutut isigivara, pissutsimmi taamaattut Air Greenlandimi atuuttut takoreerpavut, suliniarneq tassani ilaatigut ajornakusoorsinnaasimalluni, naalagaaffimmi timmisartuutileqatigiiffimmi tassani SAS-itut naaggaarsinnaatitaavoq, Sara Olsvig oqarpoq.

AAMMA ATUARUK Løkke Nuummi Ilulissanilu mittarfinnik piginneqataarusuttoq

 

 

Isummersuutit

2018-10-12_14_10_56-inatsisartut-ukiakkut-ataatsimiinnerat-001.png

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat