Danmarkimit pilertortumik ikiuineq: Nuummi isumaginninnermut siunnersortit sisamat aamma Tasiilami sisamat immikkut pissarsiarineqarput
Isumaginninnerup iluani misissuinerit iliuusissanullu pilersaarutit amigaataasut Kommuneqarfik Sermersuumi nakkutilliilluni takusaanerup nalunaarutigineqaqqaanngitsup kingornatigut septembarimi nalunaarusiami isornartorsiutigineqartut ilagaat.
Taamani kommuni nalunaarfigineqarpoq qaammatit sisamat qaangiutsinnagit suliat naammassineqarsimassasut, tamannalu Meeqqanut Ilaqutariinnullu Ingerlatsivimmi pisortaq Martha Lund Olsen naapertorlugu allaffissornikkut Danmarkimit ikiorsiisoqarpat aatsaat pisinnaavoq.
Taamaaliortoqarporlumi. Massakkorpiaq isumaginninnermut siunnersortit Tasiilami sisamat aamma Nuummi sisamat sulipput, taakkulu Danmarkimi septembarimi pilertortumik ikiorsiissutissatut aningaasaliissutinut 5,3 milliuunit koruuninut ilaapput.
- Nakkutilliisunut oqarsinnaanngorpugut suliaq ingerlakkipput, sapinngisarpullu tamakkerlugu isumaginninnerup iluani sulianut assigiinngitsunut misissuinernik ingerlatsineq pillugu piumasaqaataat naammassiniarsarigivut, Martha Lund Olsen oqarpoq.
Aningaasat amerlanerit ilimagineqassapput
Pilertortumik ikiorsiissutit Tasiilami meeqqat kinguaasiuutitigut atornerlunneqarsimasut ikorneqarnissaannut atorneqassapput. Tamanna tassaavoq isumaginninnerup iluani meeqqat inuusuttullu pillugit Danmarkip Kalaallit Nunaatalu annetunerusumiksuleqatigiinissannut alloriarneq siulleq.Manglende behandling af socialfaglige undersøgelser og handlingsplaner var blandt kritikpunkterne i en tilsynsrapport, der kom i september efter uanmeldt besøg hos Kommuneqarfik Sermersooq.
AAMMA ATUARUK Martha Abelsenip Danmarkimut kissaatai aajuku
Danmarkimi naalakkersuisut ukiut sisamat tulliisa ingerlanerini suli 80 milliuunit koruunit Kalaallit Nunaanni susassaqarfimmut immikkoortinneqassasut. Pisortatigoortumik danskit aningaasaqarnermut inatsisaanni Folketingimi akuerineqartussaapput.
Sulianik ingerlatsisut saniatigut ukiortaap kinguninngua tarnip pissusaanik ilisimasalik aamma ilaqutariinnik peqqissaasoq Tasiilamut tikissapput. Pisortaq martha Lund Olsenip neriuutigaa taakku sulisunik ilinniarsimanngitsunik massakkut Tasiilamereersunik sanileralugit ilaqutarinnik suliarinninnermik ilinniartitsisinnaassasut.
Ikiorserneqarneq sivikikkaluarluni iluaqutaavoq
Sulisut taakku marluk pilersaarutit malillugit qaammatini sisamani Tasiilamiissapput, taamalu aaqqiineq ataavartuussanani, kisanni aallarnisaaneruvoq, pisortaq isumaqarpoq.
- Ima oqaatigisinnaavara annikitsumik ikiorneqarneq ikiorneqannginnermit pitsaaneruvoq, oqarpoq.
Isumaginninnermut Inatsisinillu Atuutsitsinermut Naalakkersuisoqarfimmi immikkoortoqarfimmi pisortaq Kirsten Olesen naapertorlugu Danmarkimit pilertortumik ikiorsiissutinut atatillugu aamma ilaqutarsiat misissorneqarnerat aallartinneqarpoq, kiisalu Københavnimi Januscenterimik suleqateqarneq Kommuneqarfik Sermersuumi sulisut piginnassaannik qaffassaanermik pikkorissartitsineq aallartinneqarluni.
