- Savalimmiut ingerlalluangaaramik Danmarkimit kaanngavinnissartik immaqa pisariaqatinngilaat, Det Færøske Nyhedsbureau-mi tusagassiortoq namminersortoq Kaj Joensen oqarpoq. Assi: Lisa Risager/Flickr

Danmarkimit avissaarnissaq Savalimmiut kissaatigisaanni appasippoq

Savalimmiuni qineqqusaarnerni Danmarkimit avissaarnissaq saqqumilaartaraluaqaluni ukioq manna qinersinissami taamaanngilaq.

Ukiuni akullerniilli Savalimmiut Danmarkimut assigiinngitsutigut attaveqartarput. Nalitsinni naalagaaffeqatigiinneq atorneqarpoq. Danmarkimut attaveqarneq naalagaaffinngornissamillu apeqqut Savalimmiuni qineqqusaarnerni manna tikillugu pingaaruteqartutut ilaanngitsoorneq ajorput.

Kisianni ukioq manna qineqqusaarnermi aggustip 31-ani naammassisussami taamaanngilaq.

- Partiit ikittuararsuinnaat pingaarnerpaatitaannut ilaavoq, isumaqarpungalu sussaaqarfiit amerlasoorpassuit Savalimiunit tiguneqarsimanerat peqqutaasoq, taamalu eqqissillutik akuliuffigineqarnatik ingerlatsisinnaalerlutik, Det Færøske Nyhedsbureau-mi tusagassiortoq namminersortoq Kaj Joensen naliliivoq.  

Namminersornerulerneq pillugu inatsimmi 1948-meersumi Savalimmiut annertuumik namminersornerulerput, kiisalu Savalimmiuni oqartussaasut inatsisit inunnut, ilaqutariinnermut aamma kingornussisussatitaanermut tunngasut pillugit sullissineq tiguaat.

- Savalimmiut ingerlalluangaaramik Danmarkimit kaanngavinnissartik immaqa pisariaqatinngilaat, Kaj Joensen nassuiaavoq.

Hallbera West Svalimmiuni ilisimatusarfimmi nalagaaffiit pillugit ilisimatusarnermi ph.d.-ullunilu adjunktiusoq isumaqarpoq ukioq manna qineqqusaarnermi kaanngarnissaq pillugu oqarluartaarnerit minaersuuneqarnerusimasut.  

- Partiit kaanngarnissamut qaninnerusut isumartik aalajangiusimavaat, massakkulli ima nipaqarnerusumik: "Allanik isumalluuteqannginnerulissaagut".

- Siornatigut qinequsaanerni kaanngarnissamut oqarluartaarnerit annertuut erseqqissuliorfiusut  massakkut killilersimaarneqarput, oqarpoq.

Folketingimut juunimi qinersinermi Republikanerne (Tjóðveld) naalagaaffinngornissamik kissaateqartut oqaatsit “Massakkuunngipaat, taava qaqugu” atorlugit qineqqusaaruteqarput.

Det Færøske Nyhedsbureau naapertorlugu tassaavoq Danmarkimit avissaarnissap piffissanngorneranik tikkuussineq.  

Republikanerilli qinersinermi iluatsitsinngillat, Savalimmiullu qaqugu kaanngarnissaannik oqallorissaarnertik sakkukillisarlugu.

Savalimmiuni Lagtingimut aggustip 31-ani qinersisoqassaq. Naalakkersuisooqatigiit socialdemokratiusumit Aksel V. Johannesenimit siuttuuffigineqartut massakkut naalakkersuisuupput. 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat