- Taamaammat napparsimmavimmut unitsinneqaratarnissaq kissaatiginngikkaat akiuussutissamik kapitissapput, Joachim Hoffmann-Petersen oqarpoq.Assi: Claus Bech/Ritzau Scanpix

Danmarkimi tunillatsissimasut juunimili aatsaat taama ikitsigisut nalunaarsorneqartut

Danmarkimi coronamik tunillatsissimasutut ullup ataatsip kingulliup ingerlanerani paasineqartut 263-iupput. Kingullermik juunip ulluisa 29-anni taama ikitsigisut nalunaarsorneqarput.

263-it coronamik tunillatsittut ullup ataatsip kingulliup ingerlanerani paasineqartut, Statens Serum Insitutimit (SSI) ataasinngornermi kisitsisit takutippaat.

Tunillatsittut ataasinngornermi paasineqartut amerlassusaat kingullermik juunip ulluisa 29-anni taama ikitsigalutik 243-pput.

Svendborgimi Odense Universitetshospitalimi sinitsitsisartuni peruluttunullu nakorsaateqarnermi nakorsaaneq, Joachim Hoffmann-Petersenip oqarnera naapertorlugu innuttaasut ilarujussuisa akiuussuserneqarsimanerannik tamanna pissuteqarpoq.

- Tamanna ukiamut tunillatsittut amerlinissannut naatsorsuutigisariaqakkatsinnut pitsaasumik tunngavissaavoq.

- Killilersuinerit tamarmik maanna atorunnaarsinneranni tunillatsissittut amerlinnginnerat pitsaasuuvoq, taanna oqarpoq.

AAMMA ATUARUK Danmarkimi killilersuutit tamarmik septembarip qulinganiit atorunnaalersut

Joachim Hoffmann-Petersen Konservativenit kommunimut folketingimullu aamma qinigassanngortittuuvoq.

PCR-imik misissuinernit, tassa toqqusaamit misissugassamik tigusinernit 26.853-init tunillatsittut paasineqarput.

Napparsimmavimmi uninngasut amerlassusaat sapaatiummamit allannguuteqaratik suli 125-upput. 125-nit 30-t peruluttut uninngavianniipput, taakkunanngalu 19-t anersaartuuteqartinneqarlutik.

- Uninngasut amerlanerpaartaat akiuussutissamik kapitinneqanngitsuupput.

- Taamaammat napparsimmavimmut unitsinneqaratarnissaq kissaatiginngikkaat akiuussutissamik kapitissapput, Joachim Hoffmann-Petersen oqarpoq.

Tunillatsissimasut ullormut paasineqartut amerlassusaat sapaatit akunnerini pingasuni 1000-nit ikinnerupput.

Coronamut attuumassuseqartumik toqquteqartut ullup ataatsip kingulliup ingerlanerani pingasuupput. Covid-19-imik tuniluuttoqaleqqaarneranit inuit 2614-it tunillatsissimallutik toqupput.

AAMMA ATUARUK Tysklandimi atuakkanik atorniartarfinni muslimillu oqaluffiini akiuussusersuisoqalersoq

Ullup ataatsip kingulliup ingerlanerani 26.161 sukkasuumik misisuutinik misissorneqarput. Taakkunanngaanneersulli inernerisa qularnarnerat pissutigalugu kisitsisinut ilaatinneqanngillat.

Danmarkimi innuttaasut 73,4 procentii tamakkiisumik maanna kapitissimapput.

Tassa inuit 4.300.780-it akiuussuserneqarsimapput.

Danmarkimi innuttaasut 75,7 procentii siullermeertumik akiuussuserneqareersimapput.

/ritzau/

Isummersuutit

Nunatsinni coronavirusi pillugu
killiffik

Tunillatseqqasut 126  
Ullumi tunillatsittut 35  
Siullermik kapitissimasut 40.955  
Aappassaa kapitissimasut 35.924  
Tunillanneqarsimasut 504  
Uninngasut 1  
Anersaartuuteqartitaasut 0  
Toqquteqartut 0  
corona.nun.gl-imi kisitsit takukkit  
   Nutarterneqarpoq: 
Septembarip 21-iat 12:00
 

Coronavirusimik tunillatsinissaq pinaveersaaruk