Tysklandimi atuakkanik atorniartarfinni muslimillu oqaluffiini akiuussusersuisoqalersoq

Tysklandimi nuna tamakkerlugu amerlasuut akiuussuserneqarnissaannik anguniagaqarneq aallartinneqarpoq.
Ilisimatuut oqarnerat naapertorlugu nutaamik tuniluuttoqangaatsialeqqinnissaa pinaveersaarniarlugu innuttaasut 75 procentii akiuussutissamik kapitissimassapput. Assi © : Odd Andersen/AFP/Ritzau Scanpix
Allattoq Ritzau
septembarip 13-at 2021 10:27
Nutserisoq Marie Kûitse Kristensen

Tysklandimi innuttaasut amerlanerusut coronamut akiuussusernissaat anguniarlugu paasititsiniummik saqqummersitsinissartik aalajangerpaat.

Tyskit nutaasiassaqartitsivik dpa taama a llaaserisaqarpoq.

Tysklandimi innuttaasut ukiarnissaanut amerlanerusut akiuussusertinnissaat anguniarlugu suliniuteqartorqarpoq. Akiuussusersuisoqanngippallu coronap tuniluutipiloqqilernissaa aarlerineqarpoq.

AAMMA ATUARUK WHO-p Europami inuit 250.000-ngajaat coronavirusimik toqquteqassasut naatsorsuutigaa

Taamaammat Tysklandimi akeqanngitsumik, piffissamillu inniminneeqqaarnani atuakkanik atorniartarfinni, moskéeni niuertarfissuarnilu sapaatit akunnerni aggersuni akiuussusertinnissaq periarfissaassaaq.

Taakku saniatigut qatserisarfinni arsaattarfinnilu aamma akiuussusersuisoqassasoq nutaarsiassaqartitsivik dpa allappoq.

Tysklandimi innuttaasut 62 procentiinnaa tamakkiisumik akiuussusersimapput.

/ritzau/

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq