Danmarkimi suliumajunnaarniarneq taamaatinneqartoq

Naalagaaffiup suliffeqarfiini sulisunut 180.000-inut arfininngornermi unnukkut isumaqatigiissuteqartoqarpoq. Tassalu Danmarkimi pisortat suliffeqarfiini sulisunut isumaqatigiinniarfiusoq kingulleq isumaqatigiissuteqarfigineqarpoq.

AAMMA ATUARUK Nunatsinni silasiortut suliumajunnaaqataassanngitsut

DMI-mi silasiortut, nunatsinnit nunatsinnullu aammalu nunatta iluani timmisartuussisoqartarniassammat, nunatta mittarfiinut silamik ilimasaarutiliortatuusut, naalagaaffiup suliffeqarfiini sulisunut ilaapput.

Naalagaaffiup suliffeqarfiini sulisunut isumaqatigiissusiortoqarmat, ilinniarnertuunngorniarfinni ilinniartitsisut, palasit, politiit aammalu ministereqarfinni pisortaqarfinnilu sulisut suliumajunnaartussaajunnaarput.

AAMMA ATUARUK Suliumajunnaarneq Kalaallit Nunaanni timmisartuussineq eqqugaasinnaavoq

- Isumaqatigiissut pitsaasuuvoq, illuatungeriinnit akuersaarneqartoq, naalagaaffiup pisortani isumaqatigiissutinut isumaqatigiinniarnerni qullersaa, pisortani nutaaliornermut ministeri, Sophie Løhde (V), oqarpoq.

Qaammatini arlalinni, kingullermillu Isumaqatigiissitsiniartartut qitiusumik allattoqarfianni nalunaaquttap akunnerini 35-ni isumaqatigiinniartoqareersoq isumaqatigiissusiortoqarpoq.

Naalagaaffiup suliffeqarfiini isumaqatigiinniarnerit pisortat suliffeqarfiinut isumaqatigiiffiusussani kingulliullutik naammassineqarput.

Suliumajunnaartoqarsinnaanera suliartoqqusiunnaartoqarsinnaaneralu nalunaarutigineqaraluarpoq, isumaqatigiissuteqarnissamullu maajip aallaqqaataa killigitinneqaraluarluni.

Kommuninili, nunap ilaanni naalagaaffimmilu sulisut suliumajunnaarnissaat maanna taamaatinneqarpoq.

AAMMA ATUARUK Danmarkimi mattussinissaq nunatsinnik eqquisinnaasoq

    /ritzau/