Danmarkimi sakkutuujusimasut Nuummut tikeraartut
Sakkutuujusimasut arlaqartut Danmarkimiit erlasulisaarfimmut peqataajartorlutik nunattalu pinngortitaaniinniarlutik ulluni makkunani nunatsinniipput.
- Qooqqunukassaagut marloriarlutillu unnuissapput nerisassanillu soorunami neqeroorfigineqassallutik, kisianni nerisassat namminneq pisarissavaat. Aamma pinngortiami nuannersumik misigisaqassagamik qaqqamut pisuttualaassapput, Høveltemi Garder kasernenimit angalatitsinermi aaqqissuussisunit sakkutuut peqqissarnissaannik suliniummut aallarnisaasut ilaat, Gerth Sloth Berthelsen oqarpoq.
Suliniuteqartullu nunatsinni pinngortitaq iluaqutissartaqarsoraa.
AAMMA ATUARUK Rasmus sakkutuujusimasut oqaloqateqartarnissaannut aqqutissiuisoq
- Siusinnerusukkut misissuinerujussuarmi paasineqarpoq, attaveqaatit pinngortitamillu misigisassat sakkutuujusimasunut pingaartorujussuusut, tamannalu maanngarnitsinnut pissutaavoq,))
Gerth Sloth Berthelsen oqarpoq.
Sakkutuujusimasut Danmarkimeersut Issittumi Sakkutooqarfiup erfalasulisaarfimmut atatillugu aaqqissuussineranut ullumikkut peqataapput sømandshjemmemilu kingornatigut pisussamik namminneq pilersaarusiorput.
- Kaffillissaaguk kalaallillu sakkutuujusimasut qaaqquagut. Sakkutuujusimasut suliarisartagaasa ilaat sakkutuujusimasullu Danmarkimi attaveqarfii saqqummiutissavagut. Immaqa tamanna isumassarsiffiusinnaavoq. Imaluunniit sakkutuujusimasumiit sakkutuujusimasumut tapersiineruinnarsinnaavoq, Gerth Sloth Berthelsen oqarpoq.
AAMMA ATUARUK Naalagaaffeqatigiinnermi erfalasuliiffissanik pisortatigoortunik akuerineqarpoq