Naalagaaffeqatigiinnermi erfalasuliiffissanik pisortatigoortunik akuerineqarpoq

Savalimmiut Kalaallit Nunaatalu, Danmarkimi pisortat suliffeqarfiini ullunik erfalasuliiffissanik pisortatigoortunik atulersitsisoqarnissaa nuannaarutigineqarpoq.
marsip 12-at 2016 16:42
Nutserisoq Kerté Jeremiassen

Danmarkimi naalakkersuisut ippassaq nalunaarutigaat, Savalimmiut Kalaallit Nunaatalu, Danmarkimi pisortat suliffeqarfiini ullunik erfalasuliiffissanik pisortatigoortunik atulersitsisoqarnissaa.

Nalunaaruteqarnerlu Københavnimi Kalaallit Illutaanni eqeertitisilluni nuannaarutigineqarpoq.

Kalaallit Illutaanni ileqqoq malillugu, Erfalasorput inuiattut ullorsiornermi, juunip 21-ani amuneqartarpoq.
Tamanna pisortatigoortumik erfalasulernerussammat ukiormanna allaanerussaaq.

- Christiansborgimi aamma nalliuttorsiutigineqarsinnaanera nuannaarutigisinnaalerparput. Taamatullu akuerisaaneq nuannaarutissaavoq assissaqanngitsoq, Kalaallit Illutaanni pisortaq, Leise Johnsen dr.dk-mut oqarpoq.

Taanna isumaqarpoq, taamatut iliuuseqarneq kalaallit erfalasulertarnerannut sakkortuumik takussutissaasoq.

- Naalagaaffeqatigiinnermut kusanarluinnartumik takutitsineruvoq, tamannalu nuannaarutigiinnarsinnaavarput. Ilaqutariinnitsinnut tamanna aamma ersarinnerulersitsivoq takussutissaalluarlunilu, Leise Johnsen oqarpoq.