Danmarkimi puisissaaleqisoqanngilaq

Danskit amerlasuut tamanna nuannaarutigaat, puisimmi sineriammi takussaalersimammata.

Uumasulli taama amerliartupiloorneri uumasunut allanut sunniisinnaasarput, inunnullumi allaat. Danmarkimi sunngiffimmi aalisartut peqatigiiffiani siunnersorti Kaare Ebert oqarpoq.

Bornholmimi saarullinniat qassutaat kittorartiterneqartarput, saarulliillu pisarineqartut innarlerneqarsimasarput. Aalisartunut qassusersortunut nuna tamakkerlugu tamanna ajornartorsiutaalersimavoq.

Ajornartorsiulli nutaarsiassaanngilaq. Puisimmi sumiiffinnut allanut siaruartitersimapput.

- Puiserpassuit eqalunniarlutik kuummut qangalili majortalersimapput.

Kaare Ebertip nassuiarpaa kapisillit eqaluillu puisit amerlineri ilutigalugu nerineqartarneri annertusisimasoq. Immamiluunniit avatangiisit ajorseriarnerat aalisarnerullu kinguneranit aalisarpallaarneq puisit kuummi piniartalersimanerannut peqquteqarsinnaasoq.

- Taamaattoqartillugumi allamik iliortoqartariaqarami. Puisit taamaasillutik kuummi neriniarsinnaanertik paasisimavaat.

Kuummilu sukisaarsaatigalugu aalisariartartut tamanna nuannaarutigivallaanngilaat. Puisimmi aalisakkat qimaatittarmasigit.

- Kapisillit naamasaatigittorujussuupput, puisillu qanilligaangata erngerlutik malugisarpaat. Ersileraangamillu nerisassarsiorumajunnaartarput taamaasillutik pisariuminaatsupilussuanngortarlutik, Kaare Ebert nutaarsiassaqartitsivimmut P1 Morgenimut oqarpoq.