Danmarkimi abekoppemik tunillatsissimasoq siulleq paasineqartoq

Danmarkimi angut nappaammik kuppernermut eqqaanartumik abekoppemik tunillatsissimasut siullersaat paasineqarpoq. Danmarkimi peqqinnissamut utoqqarnullu ministereqarfik ataasinngornermi paasissutissiivoq.

Angut Spaniamut angalareerluni tunillatsissimanermut ersiuteqalerpoq. Angut pineqartoq tunillatsinnermi kingorna Roskildemi napparsimmavimmut Rigshospitalimullu attaveqarsimavoq. Maanna angerlarsimafimminni mattusimavoq.

- Tunillatsissimasut amerlanerpaartaat Danmarkimi peqqinnissaqarfiit pitsaassusaanniinneranni qaangiilluarnissaat naatsorsuutigineqartoq, ministereqarfik allappoq.

Kuppernermut eqqaanartumik abekoppemik tunillatsissimasinnaasunik paasinialluni aallartittoqartoq, Danmarkimi Napparsimasut Isumannaatsuunissaat pillugu Aqutsisoqarfiup ataasinngornermi nalunaarutigaa.

- Napparsimasut Isumannaatsuunissaat pillugu aqutsisoqarfik tunillatsissimasunik paasiniaalluni aallartippoq, tunillatsissimasimasumut qanillisimasut taamaalillutik qanoq iliornissaannik siunnersorneqassapput, Peqqissutsimut ministeri Magnus Heunicke (S) nalunaarummi oqarpoq.

- Peqqinnissamut oqartussaasut Danmarkimi annertuumik tuniluuttoqarnisaa naatsorsuutiginngilaat, pissutsilli qanimut malinnaavigineqqarput tuniluuttoqalissagaluarpat sapinngisamik piareersimaniarlutik, peqqissutsimut ministeri Magnus Heunicke oqarpoq.

Abekoppemik tunillatsinneq kissarneqarnermik, qiiarlernermik pullaqinernillu mamikkaangamik ikeqalersitsisinnaasunik naajorarnermik ilaatigut ersiuteqartarpoq.

- Nappaat nalinginnaasumik sakkukitsuuvoq, taannalu sapaatit akunnerinik marlunnit sisamanut sivisussuseqartarluni, tunillatsissimasullu amerlanerpaartaat namminneq aaqqeqqittarput, ministereqarfik allappoq.

Statens Serum Institutip (SSI) oqarnera naapertorlugu Europami inuit 83-it abekoppemik tunillatsissimasut paasineqarput. Taakkunannga 23-t Spaniamiipput. SSI-p oqarnera naapertorlugu angut tunillatsissimasoq Danmarkimi paasineqartoq Gran Canariamiissimavoq.