Danmark VM-imit anivoq
Danmarkip målmandia Kroatiamut unamminermi pingaarnerpaavoq, unamminerlu 1-1-imik inerneqarluni naammassivoq.
Danmark Kroatiamiunut unamminermi piukkunnarnerusunut minutsip ataatsip ingerlanerani tupaallannartumik isertitsivoq, Kroatiamiulli minutsit sisamat ingerlanngitsut isertitsipput, unamminerlu naligiiffiulerluni.
Tamatuma kingorna unammineq isertitseriarnissamut periarfissaqarfiuallaarani eqqissisimasumik ingerlavoq 1-1-imillu inerneqarluni naammassilluni.
Unamminerup sivitsorneqarnerani minutsit 25-t ingerlareersut Kroatia isertitseriartussanngorpoq Danmarkilu neriuutaarutsikkaluarlugu. Schmeichelili arsaq isertitseriarnermi annaappaa, Danmarkili isertitseriaqattaartussanngortillugu.
Naak unamminermi Danmark takutitsilluaraluartoq isertitseriaqattaarnermi Schmeichelip tallimanit marlunnik annaassinera, VM-imi ingerlaqqinnissamut ajoraluartumik naammanngilaq. Danmarkimi isertitseriarnermi pingasut iluatsinngimmagit.
