Danmarkip nunarsuarmut tamarmut – Sverigemi nunap immikkoortui marluk Västerbotten aamma Västernorrland minillugit pisariaqanngitsumik angalasoqaqqunngilaa.Assi: Martin Alleus/Flickr Creative Commons

Danmark nunarsuarmi nunanut tamanut angalaqqusinngitsoq

Danmarkip Sverigemi nunap immikkoortui marluk minillugit nunarsuarmi nunanut tamanut angalasoqaqqunngikkaa, angalanissamut ilitsersuutit nutaat takutippaat.

Danmarkip nunarsuarmut tamarmut – Sverigemi nunap immikkoortui marluk Västerbotten aamma Västernorrland minillugit pisariaqanngitsumik angalasoqaqqunngilaa.

Sumiiffiit sungaartumik aappaluartut angalaffigeqquneqanngitsut nutaat tassaapput Grænkenland, Tyskland, Norge Sverigemilu nunap immikkoortui pingasut.

Tamanna danskit angalanissamut ilitsersuutaanni Nunanut allanut tunngasunut ministereqarfiup sisamanngornermi nutartigaani takuneqarsinnaavoq.

AAMMA ATUARUK Namminersorlutik Oqartussat: Angalanissat pisariaqanngitsut tamarmik pinaveersaarneqassapput

- Tunillaassuuttoqarnera ingammik Europami, aasaanerani upernaaneranilu angalaffiusinnaasimagaluartuni, piffissami kingullermi qaffasinngaatsiarpoq.

- Tuniluuttoqarnerata annertusiartornerani takusinnaasagut tunngavigalugit tunillaassuunnerup qaffasippallaannginneranik takusaqarsinnaanngilagit, Nunanut allanut tunngasunut ministereqarfiup innuttaasunut sullissiviani pisortaq, Erik Brøgger Rasmussen oqarpoq.

Pissutsit upernaaq pissutsit assiginngikkai

Nunanut allanut tunngasunut ministereqarfiup nunami 100.000-nik innuttaasoqartuni sapaatip-akunneranut nutaanik 30-nik tunillatsittoqarfiusut angalaffigeqquneq ajorpai.

Grækenlandimi tunillatsittut amerlassusaat qaffasippallaarnerat pissutigalugu sungaartumik aappaluartumik qalipaateqalerpoq.

Tyskland angalanissamut ilitsersuutit nutaat pillugit matuippoq.

Norgemut angalaqqusinngitsoqarpoq.

Erik Brøgger Rasmussenip oqarnera naapertorlugu Danmarkip nunarsuarmi nunanut tamanut upernaaq angalaqqusinnginnerani pissutsinit ullumikkut pissutsit allaanerujussuupput.

- Taamani timmisartut tamarmik nunamiiginnarpput. Tassa imaappoq angalasoqarsinnaanngiivilluni.

AAMMA ATUARUK Islandimut pisariaqanngitsumik angalasoqaqqusinngitsoq – ima ilinnut sunniuteqarsinnaavoq

- Maannali taamaattoqanngilaq. Tassa imaappoq pisariaqartumik angalasoqarsinnaavoq (assersuutigalugu sulinermi angalanerit aaqq.), tamaammat angalanissaq periarfissaavoq. Timmisartut amerlavallaanngillat, timmisartoqarporli, taanna oqarpoq.

Anganissamut ilitsersuutit unioqqutinnissaat inerteqqutaanngilaq. Suliffeqarfippassuilli sulisumi assersuutigalugu nunanut angalaffigeqquneqanngitsunut sulinngiffeqarlutik angalasimasut nammineq akilissaminnik mattusimassasut nalunaarutigaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat