Kunngissakkut Schweizimiit coronavirus pissutigalugu angerlajaartut

Kunngissap Frederiup nuliatalu prinsesse Maryp qitornaat sisamat, Schweizimi atuartut Danmarkimut pilersaarutaasumit angerlajaarput. Coronavirusip tuniluutilertornera pissutaalluni Danmarkimut utiaarput.

Kunngikkormiut nittartagaanni tamanna atuarneqarsinnaavoq.

AAMMA ATUARUK Kunngissap nuliata Maryp meeqqat Schweizimut ilagissagai

Kunngissakkut meeraat Schweizimi ukioq manna januaarip ulluisa arfernanni aallartittumik sapaatit akunnerini aqqaneq-marlunni atualerput, Schweizimiinneralli sapaatit akunnialunnguinik sivikinnerulersinneqarluni.

- Kunngissakkut Danmarkimi ataqatigiittoqarnissaanik tapersersoqatigiittoqarnissaanillu pisariaqartitsisoqarnerup nalaani angerlarnissartik pissusissamisoorsoraat, kunngissakkut taama nalunaaruteqarput.