Arctic sportsimi unammersuarnissat novemberimut kinguartinneqarput.Assi: Nicklas Isaksen

Coronamut ernumaneq: Arctic sports pissartanngorniunnissamik kinguartitsivoq

Timersoqatigiit kattuffiata ataani kattuffiit ilaasortaasut ulluni makkunani ataatsimeeqattaarput nualluussuaq corona oqaluuseralugu

Issittormiut timersutaanni arctic sportsimi Nunatsinni unammersuarneq N.U. apriilip 20-at aallartittussaagaluartoq maanna ukiamut kinguartinneqarpoq. Kattuffimmi siulersuisut marlunngornermi unnukkut ataatsimiinnermi nualluussuaq corona oqaluuserivaat.

- Nutaarsiassani malinnaasimavugut, taavalu Naalakkersuisut siulittaasuatp aaqqissuussinerit eqqarsaatigilluaqqummagit, coronavirusimut ernumaneq peqqutaalluni N.U. kinguartinneqarpoq, arctic sportsimi siulittaasup tullia Ittukusuk Heilmann oqarpoq.

Arctic sportsimi siulersuisut ilanngullugu oqaluuserivaat unammersuarnerit aallartereersut tuniluunneq aallartissagaluarpat qanoq pisoqarsinnaanera.

 

Novemberimut kinguartippaat

- Unammersuarnerup nalaani tunillaassuunneq aallartikkaluarpat, mattussisoqaqattaalerlunilu unammersuarneq unitsiinnarneqartussaassammat utoqqaat sanngiinnerillu illersorniarlugit taamatut aalajangertariaqarsimavugut, peqqinnissaqarfiimmi tigusinnaasaat killeqarmata, Ittukusuk Isaksen oqarpoq.

Unammersuarnissat novemberimut kinguartinneqarput neriuutigineqarmat taamanikkornissaanut nualluussuaq corona qaangiukkiartulersimassasoq.

Kalaallit Nunaanni timersoqatigiit kattuffiat GIF marlunngornermi nalunaarpoq kattuffiit ataasiakkaat namminneq aalajangissagaat pissartanngorniunnerit ingerlatiinnassanerlugit. GIF-ip ilaasortani aamma kajumissaarpai pissutsit pillugit nakorsaaneqarfiup nittartagaatigut malinnaassasut.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat