Upernavimmi tunillatsissimasut nutaat 82-t tallimanngormat paasineqarput.Assi: Dia Jensen

Corona pillugu ullumikkut kisitsisit: Tallimanngormamit tunillatsissimasut nutaat 124-t

Tunillatsissimasut ntuaat Qasigiannguani sisamat, Upernavimmi 82-it, Ilulissani tallimat Nuummilu 33-t paasineqarput.

Nunatsinni tunillatsissimasut suli amerliartorput.

Tallimanngornermiit ullumikkumut tunillatsissimasut nutaat paasineqartut 124-usut, Nakorsaaneqarfimmit corona pillugu kisitsisit nutaat takutippaat.

Taakkunannga sisamat Qasigiannguaniipput, taakkulu sumi tunillatsissimanersut corona pillugu allattoqarfiup misissuiffigileruttorpaa.

Tamatuma saniatigut Upernavimmi sapaatini akunnerni kingullerni tunillaassuuffiusumi tunillatsissimasut nutaat 82-it paasineqarput, nakorsaanerullu illoqarfimmiittut tamarmik tunillatsissimasunut qanillisimasutut nalilerpai.

Illoqarfiit pingaarnersaanni suli tuniluuttoqarpoq, tassanilu nutaat 33-t paasineqarlutik.

Ilulissani tunillatsissimasunik nutaanik tallimanik aamma paasisaqartoqarpoq.

Corona pillugu ullumikkut kisitsisit ilanngullugit maanna tunillatsissimasut 300-juupput. Nunatta avannaani pingaartumik Upernavimmi tunillatsissimasoqarnerpaavoq.

Tunillatsissimasut amerlassusaat kommunikkaarlugit agguataarnerat:

Avannaata Kommunia: 160-it
Kommune Qeqertalik: Tallimat
Qeqqata Kommunia: Sisamat
Kommuneqarfik Sermersooq: 131-t
Kommune Kujalleq: Tunillatsissimasoqanngilaq

Nunatsinni coronavirusi pillugu
killiffik

Tunillatseqqasut ...  
Ullumi tunillatsittut 788  
Siullermik kapitissimasut 72%  
Aappassaa kapitissimasut 67%  
Tunillanneqarsimasut 7.871  
Uninngasut 9  
Anersaartuuteqartitaasut 0  
Toqquteqartut 2  
corona.nun.gl-imi kisitsit takukkit  
   Nutarterneqarpoq: 
Januaarip 15-at 13:00
 

Coronavirusimik tunillatsinissaq pinaveersaaruk