Nunanit allanit

Toqoraanerup kingorna Clintonip Trumpillu misiginneqataanertik apuuppaat

USA-mi præsidentinngorniunnermi siuttut marluk, Floridami suiaqatiminoortut saassunneqarnerini toqutaasunut ilaqutaasunullu misiginneqataanertik apuuppaat.

Allattoq Charlotte Holten-Møller

juunip 15-at 2016 04:11

Inuit 49-t sapaatip-akunnerata naanerani saassussisoqarnerani toqutaapput.

Republikanerit sinnerlugit sassartup Donald Trumpip toqutaasunut ilaqutaasunullu misiginneqataanini nalunaarutigaa. Demokratillu sinnerlugit sassartoq Hillary Clinton, saassussisoq tarnimigut nappaateqartuunerarlugu.

Saassussisorlu Omar Mateen, nammineq suiaqatiminoortuusimanersoq USA-mi tusagassiuutini maanna eqqartorneqartorujussuuvoq.

Imerniartarfimmi unnuami ammasartumiikulasut arlallit aviisimut Los Angeles Timesimut oqaatigaat Omar Mateen imerniartarfimmi tassani siornatigut takusarsimallugu. Imerniartarfimmi Pulsemiittartutoqqat ilaata Kevin Westip oqaatigaa Mateenip saassussinnginnerani suiaqatiminoortut internettikkut attaveqaqatigiittarfianni toqqaannartumik ukiualunnguit matuma siornatigut attaveqarfigisarsimallugu.

Omar Mateenip peqqarniisaarnianut Islamisk Statikkunnut attaveqarnera oqaatigissallugu, USA-p præsidentiata Barack Obamap maannamut tunuarsimaarfigisimavaa.

Aamma atuaruk Orlandomi imerniartarfiup saassunneqarnera pillugu ilisimasavut