Christopher Lee toquvoq
Ringenes Herreni angakkorsuartut Sarumanitut inuttaasoq aamma Star Wars Filmini nutaanerpaani grevetut ajortutut inuttaasoq, Christopher Lee toqukkut qimaguttoq, aviisi The Telegraph allappoq.
Christopher Lee 93-inik ukioqarluni toquvoq.
Christopher Lee 93-inik ukiulik, sapaatit akunnerini arlaqartuni Londonimi nappasimmavimmi uninngareerluni toquvoq.
Christopher Lee 1950-ikkunnili filmiliaritittartuusoq, ukiuni 15-ini kingullerni filmini nuannerineqarnerpaani assigiinngitsuni inupiluttut inuttaanerusarpoq. Tassalu tamanna ilisarisimaneqaatigilerlugu.