Nakorsat qullersaata nuna tamakkerlugu nalunaarsuiffik pisariaqannginnerarpaa
Tusagassiuutinut nalunaarummi nakorsat qullersaat Anne Marie Ulrik taama nassuiaateqarpoq. Tassani erseqqissarpaa siunertarineqanngitsumik pisartunut tamanut nuna tamakkerlugu nalunaarsuiffimmik pilersitsisoqartariaqanngitsoq.
Taarsiullugu pisut tamaasa sumiiffinni assigiinngitsuni aaqqiiviginissaat taamalu pisoqaqqinnginnissaa siunertaralugu sulissutigineqartassapput.
- Misilittakkat taama atorneqarnissaat siunertaasariaqarpoq - tassalu pinaveersaartitsinikkut nakorsat qullersaat oqarpoq.
Danskit nakorsiartartut peqatigiiffianni taama aaqqissuussisimaneq iluarisimaarneqaraluarpoq. Tamakkunani takuneqarsinnaammat kukkussutit suut utikattuunersut, aammalu assersuutigalugu napparsimasoqangaatsiarnerani kukkuluttortoqarnerusarnersoq.
AAMMA ATUARUK Fontain vil have fejl i sundhedsvæsenet registreret
Nunatsinnili peqqinnissaqarfiup nalunaarsuinermiit suliat ataasiakkaat misissortarusunneruai.
Naggasiullugu peqqinnissaqarfiup erseqqissarpaa siunertarineqanngitsumik pisoqaraangat kukkunerusanngitsut. Taamali pisoqaraangat aaqqissuussinerup iluani kukkunerusartut.
Soorlu nakorsaatit kukkusut nakorsartittussamut tunniuttooraanni. Imaluunniit misissortittussaqartillugu misissortittussap atia inuuialu eqqortumik paasiniarsimanngikkaanni inullu alla misissortikkiartoraanni.
AAMMA ATUARUK Fontain vil have fejl i sundhedsvæsenet registreret
Tassaapput kukkunerit nakorsiap nappaataanut tunngasuunngitsut, peqqinnissaqarfimmili sulisut katsorsaanermi paaqqinninnermilu siunertaanngitsumik iliuuseqarpata nakorsiamik ajoqusiisinnaasumik ajoqusiisimasinnaasumilluunniit.
AAMMA ATUARUK Peqqinnissaqarfimmi kukkunerit nalunaarsuusiarineqartanngillat