Ammaanermi oqalugiaat kunngikkormiut oqalugiaataannik aamma taaneqartarpoq, generalguvernørimi tuluit dronningiata Elisabethip Canadami sinniisoraa.Assi: Ritzau/scanpix

Canadap inatsisartuisa Inuit pisinnaatitaaffii suliariniaraat

Canadami inatsisartut aasaanerani sapaatip-akunnerini tallimani sulinngiffeqareerlutik ataatsimeeqqilerput. Ammaanermi oqalugiaat Canadami naggueqatigiit Inunnut, First Nationsinut Métisinullu isumalluarnartunik imaqarpoq.

Canadap generalguvernøriata Julie Payettep, Canadap ministeriunera Justin Trudeau sinnerlugu ammaanermi oqalugiaat atuarpaa.

Ammaanermi oqalugiaat kunngikkormiut oqalugiaataannik aamma taaneqartarpoq, generalguvernørimi tuluit dronningiata Elisabethip Canadami sinniisoraa.

Canadami naalakkersuisut politikkikkut ukiup tulliuttup ingerlanerani anguniagaat oqalugiaammi qitiupput.

Canadamilu naggueqatigiit Inuit oqalugiaammi sammisat tunngavigalugit assigiinngitsutigut isumallualersinnaapput.

Naalagaaffiit Peqatigiit nunap inoqqaavisa pisinnaatitaaffiisa pillugit nalunaarutaata qaammatit tulliuttut ingerlaneranni atuutilersinneqarnissaa oqalugiaammi neriorsuutigineqarpoq. Nalunaarut taanna Naalagaaffiit Peqatigiit 2007-imili akuersissutigaat, atuutilersinneqarnissaalu Canadami nunap inoqqaavisa taamanikkulli utaqqisimavaat.

Nunap Inoqqaavisa Arnartaat Periarfeerussat Toqutaasimasullu pillugit Misissuinermut Isumalioqatigiissitap innersuussutaasa, kiisalu Ilumoortussaq Saammaasseqatigiinnissarlu pillugit Isumalioqatigiissitap 2015-imi innersuussutaasa atuutilersinneqarnissaat, oqalugiaammi aamma neriorsuutigineqarpoq.

Naggueqatigiit Inunnut inissianik pitsaanerusunik amerlanerusunillu sanaartortoqarnisssaa neriorsuutigineqarpoq, soorlu aamma naggueqatigiit Inuit peqqinnissakkut sullinneqarnerat pitsanngorsarniarneqartoq.

Canadami nunap inoqqaavisa innuttaasullu sinnerisa akornanni saammaateqatigiittoqarnissaata pingaaruteqarnerpaanera, ministeriunerup Justin Trudeaup CBC-TV-mut ullup ingerlanerani oqaaseqarnermini oqaatigaa.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat