Assi: Douglas Sprott/Flickr Creative Commons

Canadap EU-llu akornanni killilersugaanngitsumik niueqatigiinnissamik isumaqaatigiissut atuutilersoq

EU-p Canadallu akornanni niueqatigiinnermi aporfiit isumaqatigiissuteqarnikkut peerneqarput, nunattali EU-mut nioqquteqarnikkut unammillerneranut sakkortusaataanissaa ernumagineqarpoq.

Canadap EU-llu akornanni killilersugaanngitsumik niueqatigiinnissamik isumaqaatigiissut - CETA-mik taaguuteqartoq - ullumikkut atuutilerpoq.

Europami nunat Canadallu akornanni niueqatigiinnermi aporfiusartut isumaqatigiissuteqarnermi peerneqarput, tunisassianillu kiffartuussinernillu Atlantiku ikaarlugu niueqatigiissinnaaneq taamaalilluni ajornannginnerulerlunilu akikinnerulissaaq.

Isumaqatigiissulli nunatsinnit ilaatigut isornartorsiorneqarsimavoq.

AAMMA ATUARUK Namminersorlutik Oqartussat EU-mut nutaamik isumaqatigiinniaqquneqartut

Killilersugaanngitsumik niueqatigiinnissamik isumaqaatigiissutip nunatsinni tunisassianik EU-mut nioqquteqarnermut annertuumik unammilertoqarsinnaanera sulisitsisut peqatigiiffiata, GE-p, ernummatigaa, pingaartumik aalisakkanik tunisassianut tunngatillugu. Aamma Naalakkersuisut isumaqatigiissut ernumanartoqartillugu oqaatigisimavaat.

Taamaammat GE-p Naalakkersuisut kajumissaarsimavai EU-mut isumaqatigiissuteqaqqullugit, nunatta Canadamit unammillerneqarnerata sakkortusinerani annaasanut taarsiutaasussamik.

AAMMA ATUARUK Handelsaftaler i Asien skal redde Grønlands eksport

Royal Greenlandilli pisortaata, Michael Thinghuusip, nalunaarutigaa isumaqatigiissut ingerlatseqatigiiffimmit ernumagineqanngitsoq. Ingerlatseqatigiiffiummi Kangiani niuerfinnut tunisaqarnerunissaq maannakkorpiaq annertuumik sulissutigaa.

Killilersugaanngitsumik niueqatigiinnissamik isumaqaatigiissummik tapersersuisut naatsorsuutigaat EU-p Canadallu akornanni niueqatigiinneq isumaqatigiissuteqartoqarneratigut 20 procentint missaannik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat