Canadamut isumaqatigiissut EU-Parlamentip akuersissutigigaa
Niueqatigiinnissamik isumaqatigiissut, Ceta, EU-Parlamentimi amerlanerussuteqarluartunit akuersissutigineqarpoq.
Allattoq Ritzau
februaarip 15-at 2017 10:37
Nutserisoq Simon Uldum -
Canadamut niueqatigiinnissamik isumaqatigiissut, Ceta, EU-Parlamentip pingasunngornermi akuersissutigaa.
Killilersugaanngitsumik niueqatigiinnissamik isumaqatigiissut parlamentimi Frankrigimi Strasbourgimiittumi taasissutigineqarmat 408-t akueraat 254-illu itigartitsissutigalugu. Parlamentimut ilaasortat 33-t taaseqataanngillat.
- EU-Parlamentimi ullumikkut taasisoqarnera Canadamut isumaqatigiissutip tamat oqartussaaqataanerat tunngavigalugu atortussanngortinneqarnissaanut alloriarneruvoq pingaarutilik, EU-p præsidentia Jean-Claude Juncker tusagassiorfinnut nalunaarummi taama oqarpoq.
- Tamatuma malitsigisaanik EU-mi suliffeqarfiit innuttaasullu isumaqatigiissut piaarnerpaamik iluaqutissarsiffigisinnaalissavaat.
/ritzau/
