Canadamiut kilisaataat iluliamut aportoq
Canadamiut kilisaataata iluliaq sapaatiummat unnukkut aporpaa umiarsuarlu timitaatigut putusoorutigineqarluni, nutaarsiassaqartitsivik CBC aamma nittartagaq Sermitsiaq.ag taama allaaserisaqarput.
Allattoq Inge S. Rasmussen
februaarip 23-at 2016 04:58
Nutserisoq Simon Uldum -
Issittumi Sakkutooqarfik nittartakkamit oqaloqatigineqarsimavoq, umiarsuarlu alapernaarsuut Knud Rasmussen canadamiut aalisariutaat Nuummut qaniartorlugu orniguttoq ilisimatitsissutigineqarpoq.
Umiarsuarmi inuttat 30-usut - taakkunannga arfineq-marluk Nunavummiuusut - ajoqusersimanngillat.
Kilisaat ajoqusertoq tassaavoq F/V Saputi, Davisstrædemi qaleralinnik aalisartoq.
Timmisartoq Hercules Halifaximit imaarsaatinik sisamanik kilisaammut pajussimavoq tamatumalu kingorna ajornartorsiortoqarunnaarluni.
- Imaarsaatit tamakkerlugit ingerlatinneqarput kilisaallu imaarsarneqarnera iluatsilluarpoq, Rhonda Stevens, Halifaximi Joint Rescue Coordination Centremeersoq CBC-mut taama oqarpoq.
