Canadami ministeri issittumi ilisimatuutut misissuiffimmut tikeraartoq

Issittumi ilisimatuutut misissuiffik nutaaq, The High Arctic Research Station, pisortatigoortumik sapaatip-akunnerata naanerani tikeraarneqarpoq.

Naak immikkut ilisimasallit misissuiffimmi sulilereeraluartut, misissuiffik pisortatigoortumik aatsaat novembarimi ammarneqassaaq.

Carolyn Bennettip Issittumi ilisimatusaatigalugu sulinerup pingaaruteqassusaa, Iqaluktuuttiami tikeraarnermini oqalugiarnermini oqaatigaa.

Ilisimatuutut misissuiffik nunaqarfimmiunit tikilluaqquneqarpoq, Carolyn Bennettilu oqalugiartussanngormat nunaqarfimmiorpassuit tusarnaariarput.

AAMMA ATUARUK Issittumi ilisimatusarfik aallartilluartoq

- Canadami taamaattumik misissuiffeqalernissamut piffissanngorpoq, Issittummi silap pissusiata allanngoriartornerata nalaani pingaaruteqaleriartuinnarnera miserratissaanngilaq. Nunap inoqqaavisa ilisimasaat, nunallu killiit ilisimatuussutsikkut ilisimasaasa kattullugit Issittumi sulisoqarnissaa taamaammat pingaaruteqartorujussuuvoq. Ilisimatuussutsikkut suliat nunap inoqqaavisa nunallu killiit ilisimasaat aallaavigalugit suliat soqutiginarnerulissapput, inerniliussat ilisimatusarnermut pingaaruteqassallutik, Caroly Bennett oqarpoq.

Naggueqatigiit Inuit meerartaat oqalugiarnermut tusarnaariarnerat Carolyn Bennettip nuannaarutigaa, naggueqatigiimmi Inuit meerartaasa ilinniartitaanermik pingaartitsinerannik tamanna takussutissaanerarpaa.