Nunanit allanit

Canada: Misissuisoqartussanngorpoq

Canadami naggueqatigiit inuit, indianerit metisillu arnartaasa periarfeerunneqarsimasut 4000-iunissaat, taamaalillutillu kisitsisinit pisortatigoortunit amerlanerujussuunissaat maanna ilimagineqalerpoq.

Allattoq Inge S. Rasmussen

februaarip 17-at 2016 10:45

Nutserisoq Simon Uldum -

Nuna tamakkerlugu qanittukkut misissuisoqarnissaanut aallarniutaasumik misissuisoqareernerani Canadami naalakkersuisut taama oqarput, nutaarsiassaqartitsivik BBC taama allaaserisaqarpoq.

Aniguisimasut arnanullu periarfeerussanut qanigisaasut 2000-it missaanniittut misissuisoqarnissaa sioqqullugu arnat atugaannut ministeri Patty Hajdu aamma nunap inoqqaavinut ministeri Carolyn Bennett oqaloqatigisimavaat.

Aamma atuaruk Naggueqatigiit Inuit arnartaat pillugit misissuisoqalersoq

- Oqaloqatiginninnerit taakku aqqutigalugit paasivarput arnat periarfeerunneqarsimasut toqutaasimasullu 1200-nit amerlanerussangatinneqartut, Carolyn Bennet BBC naapertorlugu taama oqarpoq.

Arnat periarfeerunneqarsimasut 1200-nissaannik pisortatigoortumik kisitsisaatigineqartut Canadami politiit 2014-imi nalunaarusiaaneersuupput.

- Qassiussagaluarpataluunniit arnat nivissallu periarfeerunneqarsimanngikkunik toqutaasimanerat nunatsinnut tamarmut alianarluinnartuuvoq naalakkersuisuttalu iliuuseqarfigisariaqarpaat, nunap inoqqaavinut ministeri taama oqarpoq.

AAMMA ATUARUK Canadap inooqqaavisa angutitaat aamma navianartorsiorput

AAMMA ATUARUK Niviarsiaqqap 15-inik ukiullip toqutaanera aalassassimaarutigineqaqaaq