Nunavummi iliveqarfik.Assi: Andrew Johnson/Flickr Creative Commons

Naggueqatigiit Inuit arnartaat pillugit misissuisoqalersoq

Canadami arnat naggueqatigiit Inunneersut, indianerit metisillu, periarfeerunneqarsimanngikkunik toqutaasimasut pillugit Canadami oqartussat misissuinissaat sivisuumik utaqqineqarsimasoq kiisami piffissalerneqarpoq.

Naggueqatigiit Inuit, indianerit metisillu arnartaat periarfeerunneqarsimanngikkunik toqutaasimasut pillugit misissuisoqarnissaa, Canadami nunap inoqqaavisa innuttaasullumi ataatsimut isigalugit ukiorpassuanngortuni piumasarinikuuaat.

Arnat 1200-t pisortatigoortumik eqqartorneqarput, arnalli periarfeerunneqarsimasut 6000-init amerlanerusinnaanissaat, suliniaqatigiiffiit ilaat oqaatigaat.

AAMMA ATUARUK Canadap inooqqaavisa angutitaat aamma navianartorsiorput

Misissuinissamut piareersaasoqaleruttortoq, Canadami nunap inoqqaavinut ministerinngorlaap Carolyn Bennettip, Ottawami killitsisimaarnartumik malunnartitsiniaasoqarnerani oqaatigaa.

Carolyn Bennett, indianerit Haidat atisaasa ilaannik atukkersorsimalluni oqalugiarpoq, arnat periarfeerunneqarsimasut toqutaasimasulluunniit ilaqutaasa siunersiorfigineqaqqaassasut, periarfeerunneqarsimasut toqutaasimasulluunniit ataqqiniarlugit eqqaaniarneqarnissaalluunniit pillugu taamaaliortoqarniarluni.

Ilaqutaasut misissuinissap piareersarneqarnissaanut peqataassapput, misissuinermi suut anguniarneqassanersut aalajangeeqataaffigissallugu, taama pisoqaqqinnginnissaa siunertaassalluni.

Qaammatini marlunni piareersaasoqarnissaa naatsorsuutigineqarpoq, nuna tamakkerlugu misissuinissap upernaaru aallartissinnaanissaa neriuutigineqarluni.

Naggueqatigiit Inuit pilersaarutit nuannaarutigigaat, Canadami naggueqatigiit Inuit suliniaqatigiiffiata Inuit Tapiriit Kanatamip præsidentiata Natan Obedip, silap pissusia pillugu Parisimi ataatsimeersuarnermi COP21-mi peqataasup oqaatigaa.

AAMMA ATUARUK Niviarsiaqqap 15-inik ukiullip toqutaanera aalassassimaarutigineqaqaaq

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat