VIDEO Torlorsortartut aqqanilinnik ukiullit Canadami ministerinit alutoritittut

Natan Obed ministerinngortut guvernørgeneralimut Ottawami pingasunngormat uppernarsaasinneqarmata najuuppoq.

Obedillu pingaartumik Hunter Tootoo pilluaqquaa, taannami Canadap Inatsisartuini Nunavut sinnerlugu ilaasortaavoq maannalu aalisarnermut imartanullu ministerinngornermi sinerissamilu alapernaarsuinermut akisussaasunngornermi saniatigut ministereqarfimmi nutaami ministerinngortinneqarpoq. Hunter Tootoo Issittumi pissutsinut ministerinngorpoq.

Natan Obedip oqaatigaa Hunter Tootoo ukiorpassuarni suleqatigisimallugu, taamaattumillu peqatigiillutik Canadami naggueqatigiit Inuit nuna tamakkerlugu tusaataattut nukittuumik inissisimanissartik naatsorsuutigalugu, naggueqatigiit Inuit issittumiittut pitsaanerusumik inuuneqalernissaat anguniarlugu.

Aammattaaq torlorsortartut inuusuttunnguit Samantha Metcalfe aamma Cailyn Degranpre pilluaqquai, taakku ministerinngortitsinermi aliikkusersuipput ministerinit isiginnaartunillu alutorsaatigineqarluarlutik.

Torlorsortartut aqqanilinnik ukiullit guvernøri David Johnston ministeriuninngorlaarlu Justin Trudeau alutorsartikkaat Global Newsimit videomi uani takusinnaavat.