Nuuk: Bussit ingerlaqqilersut
Illoqarfiit pingaarnersaanni bussit nalunaaqutaq ullup-qeqqanut ingerlaqqilerput. Kinguaattoorsinnaanerili naatsorsuutigineqassaaq.
Bussit ullaaq siusinnerusukkut angalagunnaarput, taakku maanna ingerlaqqilerput.
Allattoq Nicole Sander Bertelsen
marsip 01-at 2024 11:55
Nuup Bussii Nuummi angallannerat ullaaq unitsinneqareersorlu maanna angalaqqilerput.
Illoqarfiit pingaarnersaanni bussit nalunaaqutaq ullup-qeqqanut ingerlaqqilerput. Kinguaattoorsinnaanerili naatsorsuutigineqassasoq, Nuup Bussii Facebookimi quppernerminni allapput.
Nuummilu tamarmi aqquserngit angallaffiginissaat politiinit aamma mianersoqqussutigineqarpoq.
- Nuummi aqquserngit quasattorujussuupput, taamaammat angallattut immikkut mianersoqquneqarput, Kalaallit Nunaanni Politiit pigaartuisa pisortaat, Anette Ostenfeldt oqarpoq.
Nuummi aqquserngit quasattut siorarternissaat sulissutigineqaleruttortoq silali tamatumunnga ajornakusoortitsisoq, Kommuneqarfik Sermersuup paasissutissiissutigaa.
