Bush, Clinton Obamalu coronavirusimut akiuussutissamik kapitinnissaminnut akuersisut
Amerikami præsidentiusimasut Barack Obama, George W. Bush Bill Clintonilu TV-ikkut toqqaannartumik aallakaatinneqartumik coronavirusimiut akiuussutissamik kajumissutsimik kapitinnassiminnut akuersipput.
Amerikami nutaarsiassaqartitsivik CNN sisamanngornermi taama allaaserisaqarpoq.
Coronavirusimut akiuussutissap isumannaatsuunerata Amerikami inuiaqatigiinni taamaaliornermikkut upperineqarnerulernissaa neriuutigaat.
George W. Bush coronavirusimut akiuussutissamik qanoq nittarsaassisinnaanerluni nappaatinik tunillaassortunik immikkut ilisimasalimmut Anthony Faucimut saaffiginnereerpoq.
AAMMA ATUARUK Tuluit coronavirusimut akiuussutissamik nunani killerni siullersaallutik kapitissinnaalissasut
Bill Clintonillu coronavirusimut akiuussutissaq nittarsaanniarlugu kapitinnissaminut piareertoq, Clintonip oqaaseqartartua CNN-imut pingasunngornermi oqarpoq.
Amerikamiut 40 procentiisa coronavirusimut akiuussutissamik kapitinnissartik qularutigigaat isumasiuinerni ersertoq, New York Times allappoq.
Amerikamiut millionilikkaat coronavirusimut akiuussutissamik decembarip qiteqqunnerani kapitinnissaannut pilersaarut, USA-mi atorfilittat marlunngornemi saqqummiuppaat.