Politikki Nunanit allanit

Brasiliap præsidentia eqqartuussivimmut sassartinneqalersoq

Brasiliap præsidentiata Dilma Rouseffip naalakkersuisunut eqqartuussivimmut sassartinneqarnissaa Brasiliami inatsisartut aappaanni Underhusimi amerlanerussuteqartut ippassaq taasissutigaat, taasinerit nunatta nalunaaqutaa naapertorlugu unnuap-qeqqata missaani naammassillutik.
Assi © : Roberto Stuckert Filho/Flickr Creative Commons
Allattoq DR, Thomas Munk Veirum
apriilip 18-at 2016 11:22
Nutserisoq Mads Lynge

Dilma Rousseffip naalakkersuisut missingersuutaannik 2014-imi qinersisoqarnissaanut atatillugu piaaraluni allanngortiterisimasutut pasineqarnini pillugu naalakkersuisunut eqqartuussivimmut sassartinneqarnissaa Underhusimi amerlanerussuteqartut taasissutigaat.

Suliaq senatimi ilaasortanit ukioq manna maajimi taava taasissutigineqartussanngorpoq.

Dilma Rousseffip eqqartuussivimmut sassartitaasussanngornera pissutaalluni præsidentitut ingerlaannartumik atuutilersumik ulluni tulliuttuni 180-ini sulisinnaajunnaarallartinneqarpoq. Rousseff præsidentitut 2010-mi ivertinneqarpoq.

Dilma Rousseffip præsidentitut sulisinnaajunnaarallartinneqarnerani tullersortaata Michel Temerip præsidentiugallarnissaa pilersaarutaavoq.

Brasiliami pisut pissutaallutik nunap aningaasarsiornerata pitsanngorsarniarneqarnissaa pillugu annerusumik iliuuseqartoqarsimanngitsoq Nunanut allanut tunngasunik Danmarkimi ilisimatusarfimmi professorip Steen Fryba Christensenip oqaatigaa.

Aamma atuaruk

Politikki

Piniartut nalunaaquttap allanngortinnera pillugu isummersortut

Qupanuk Olsen: Nalunaaqutaq ullormut malinnaalerseqqissavarput

Atassut: Naalakkersuisooqatigiit akileraarutinik oqilisaassinerat qineqqusaarutaavoq