Brasiliami imerniartarfimmi inuit 11-t saassunneqarlutik toqutaasut
Brasiliami illoqarfimmi Belemimi imerniartarfimmi aallaasersortoqarmat inuit aqqanillit toqutaapput.
Brasiliap avannaani imerniartarfimmut sapaatiummat saassussisoqarnerani inuit ikinnerpaamik aqqanillit toqutaapput.
Allattoq Ritzau
maajip 20-at 2019 09:10
Angutit arlaqartut sakkulisaarlutik kiinarpalerlutillu sapaammi ualikkut saassussimmata angutit arfinillit arnallu tallimat toqutaapput.
Toqutaasut amerlassusaat pisortatigoortumik qulakkeersumik nalunaarutigineqanngikkaluartut naalagaaffiup immikkoortuani Parami oqartussaasut nalunaarutigaat, aallaasersorluni toqaraasoqarsimasoq.
Toqoraanermut suut imaluunniit suna pissutaanersoq paasissutissiissutigineqanngilaq, toqoraasoqarneranullu atatillugu politiit sapaammi unnukkut suli tigusarinnissimanngillat.
Brasiliap avannaatungaani nunap immikkoortuani Parami 2019-ip qaammataani siullerni pingasuni nakuusertoqartarnerisigut inuit 756-it toqutaasimapput.
