Blok P oktobarimi ingutsereersimassaaq
Blok P qaammatit arfineq pingasut qaangiuppata nunatsinni sanaartugarsuit annerpaartarisimasaattut oqaluttuaannanngorsimassaaq.
![](/sites/default/files/styles/image_934x467/public/article_images/blok_p_fra_neden_630_0.jpg?itok=R5Z39OnS)
Allattoq Ludvig Siegstad
Permagreen sanaartugarsuarmut ukiunik 47-nik pisoqaassusilimmut ingutserinissamut ippassaq, pingasunngornermi suliarinnittussarsiuussisisoqarmat akikinnerpaavoq.
Permagreenip pisortaata Preben Kold Larsenip oqarnera naapertorlugu, pisortatigut pappiaqqat isumagineqareerpata, Blok P qaammatip aappaa avillugu qaangiussimalerpat ingutserlugu aallartinneqassaaq.
Sulisut 15-it inissiaqarfissuaq 200 meterinik takitigisoq quleriinnillu tallimanik portutigisoq, akuutissamillu toqunartulimmik PCB-eqaqisoq, asbesteqartorlu qaammatini arfinilinni ingutsissavaat.
Sanaartortitsisut tamatumuuna ingutserititsisussat inissiaqarfissuarmut 320-nik inissialimmut, Permagreenip ingutserititsinissaanut 15,5 millioner koruuninik akiuliuteqarput.