Blinken: Gaza pillugu isumaqatiginniutigineqartoq sakkuaakkunnaarallarnissamut periarfissatuaalersinnaavoq
Gazami sakkuaakkunnaarallaarnissamut isumaqatiginniutigineqartoq, tassaaratarsinnaavoq eqqissinissamut isumaqatigiissuteqarnissamik periarfissatuaalersoq.
USA-p nunanut allanut tunngasuni ministeria Anthony Blinken Israelimut ataasinngornermi tikeraarnermini taama oqartoq, nutaarsiassaqartitsivik AFP allappoq.
- Sallunaveeqqutitut tigusat angerlartinneqarnissaanut, sakkuaakkunnaarallarnissamik isumaqatigiissummut aamma eqqissinermut ataavartumut sillimaniarnissamillu angusaqarnissamut periarfissaq kingulleq aalajangiivoq, Anthony Blinken oqarpoq.
Israelip præsidentianik Isaac Herzogimik ataatsimeeqatiginninnermi oqaatsit anninneqarput.
Blinken nangippoq amerikamiut præsidentiata Joe Bidenip aallartissimagaani naammassinnittumik isumaqatigiissusioqqullugu.
- Piffissanngorpoq tamassuma naammassineqarnissaa. Pingaaruteqarporlu eqqissineqarnissaanik angusaqarniarluni suliamik kimilluunniit unititsitsiniarluni iliuuseqartoqannginnissaa, taanna oqarpoq.