Blinken: Gazami piaarnerpaamik sakkuaakkunnaarallartoqartariaqarpoq
Gazami piaarnerpaamik sakkuaakkunnaarallartoqarnissaanik aalajangersagaliortoqarnissaa, USA-p Naalagaaffiit Peqatigiit Isumannaallisaaniaqatigiivinut siunnersuutigaa.
USA-p nunanut allanut tunngasunut ministeria, Antony Blinken, Saudi-Arabiami nutaarsiassaqartitsivimmut Al Hadathimut taama oqartoq, nutaarsiassaqartitsivik AFP allappoq.
- Aalajangersakkammik saqqqummiivugut, maanna Naalagaaffiit Peqatigiit Isumannaallisaaniaqatigiiviniippoq. Piaarnerpaamik sakkuaakkunnaarallartoqarnissaanik sallunaveeqqutitullu tigummiat iperagaanissaannik kaammattuuteqarpoq, aalajngersakkallu nunanit ilaasortanit tapersersorneqarnissaat neriuutigingaarparput, taanna Al Hadathimut oqartoq AFP allappoq.
- Tamanna ersarissumik nalunaaruteqarnertut isigaara, neriuppungalu tigulluarneqarumaartoq, Blinken oqarpoq.
Nunat tallimat Naalagaaffiit Peqatigiit Isumannaallisaaniaqatigiivini ataavartumik ilaasortaapput, USA-lu taakkununnga ilaalluni, naaggaarsinnaatitaappullu.
Gazami piaarnerpaamik sakkuaakkunnaarallartoqarnissaanik aalajangersakkat, USA-p naaggaarsinnaatitaanini atorlugu siusinnerusukkut itigartinnikuuai.