Ukiut 25-t kingorna: Kina biskoppinngussava?

Ilinniartitaanermut, kultureqarnermut ilageeqarnermullu naalakkersuisoq, Ane Lone Bagger tusagassiuutinut nalunaarummi taama nalunaaruteqarpoq.

Sofie Petersen nunatsinni ukiuni 25-ni biskoppioreerluni soraarninngortussanngorpoq. Taamaammat biskoppimik nutaamik qinersisoqartariaqarpoq.

Ilinniartitaanermut, kultureqarnermut ilageeqaranermullu naalakkersuisoqarfiup atuuffimmut qinigassanngortikkusuttut juulip arfineq-aappaajutinnagu nalunaaruteqaqquai, biskoppimullu septembarip aappaani ukioq manna qinersisoqassalluni.

AAMMA ATUARUK Biskop Sofie Petersen hædret med æresdoktorgrad

- Pisoq annertoorujussuuvoq, nutaamik biskopinngortitsineq, ilaatigut pisartoq akuttummat, aammali Kalaallit Nunaanni Ilagiit biskopi qullersarimmassuk, taamaattumillu Oqaluffitsinni ineriartortitsinermi annertuumik inissisimalluni. Taamaattumik Biskopimik nutaanik qinersisoqarnissaanik qilanaarpunga, Ilinniartitaanermut, Kultureqarnermut, Ilageeqarnermut Nunanullu Allanut Naalakkersuisoq, Ane Lone Bagger tusagassiuutinut nalunaarummi allappoq.

Biskopeqarfimmi ilagiit sinniisaat, palasit kiffartortut, palasiugallartut aamma palasit qinersinerup nalaani palasiunerminnit sulinngiffeqarallartut biskopimik qinersisinnaatitaapput.

Nuummi Hans Egedep Oqaluffiani immikkut ittumik novembarip 22-anni naalagiartitsinermi biskoppinngortitsisoqassaq.