Biskoppi ataqqinaammik doktorinngortinneqartoq

Ilisimatusarfiup ukiumoortumik tallimanngornermi nalliuttorsiornerani biskoppi Sofie Petersen ataqqinaammik doktorinngortinneqarpoq.

Ukiumoortumik nalliuttorsiornermut atatillugu, Rektori Gitte Adler Reimer tikilluaqqusivoq. Biskoppillu Sofie Petersenip ataqqinaammik doktorinngortitsineqarnera Ilisimatusarfimmit tulluusimaarutigineqarpoq. 

Ataqqinaammik doktorinngortussaq pillugu Ilisimatusarfimmeersoq Aage Rydstrøm-Poulsen saqqummiussisuuvoq, tamatumalu kingorna biskoppi Sofie Petersen ataqqinaammik doktorinngortinneqartoq qujassuteqarluni.

Biskoppi Sofie Petersen ataqqinaammik doktorinngortinneqarpoq Kalaallit Nunaanni ilagiinnik kulturimillu ineriartortitsinermut Kalaallit Nunaatalu nunanut tamalaanut attaveqarneranut sunniuteqarluarsimammat. Tamatuma saniatigut biskoppi Sofie Petersen ilagiit sinnerlugit - ilaannikkut sissuertuunngitsumik tamanut ammasumik oqalliseqataasarsimavoq.

Ilisimatusarfik tusagassiutinut taama nalunaaruteqarpoq.

Sofie Petersen Kalaallit Nunaanni siullersaalluni 1995-imi biskoppinngorpoq. Teologitut 1986-imi naammassivoq, kingornali palasitut sulisinnarluni 1995-imi biskoppinngortinneqarluni. 

Sofie Petersen Maniitsumi 1955-imi inunngorpoq.  

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat